putin: ittipaqdashlirimzini zamaniwi qorallar bilen teminleshke teyyarmiz

rusiye pirézidénti wladimir putin 8-qétimliq xelqara herbiy-téxnika munbiride, rusiyening nurghun ittipaqdash we shérik döletlerge ige bolghanliqidin mamnun ikenliklirini éytti.

1868361
putin: ittipaqdashlirimzini zamaniwi qorallar bilen teminleshke teyyarmiz

türkiye awazi radiyosi xewiri: rusiye pirézidénti wladimir putin latin amérika, asiya we afriqa döletliri bilen küchlük munasiwetler ornitishqa ehmiyet bérip kelgenliklqirini bildürüp: «dölitimizning oxshimighan qitelerde nurghun ittipaqdashliri, shérikiliri we oxshash qarashlargha ige dostlirining bolghanliqidin memnunluq hés qilimiz. bular atalmish jahangirlikke boyun egmigen döletler hésablinidu» dédi.

rusiye pirézidénti putin moskwada 21-awghustqiche (2022) dawamlishidighan «armiye» namliq 8-qétimliq xelqara herbiy-téxnika munbirining échilishida söz qildi.

u herbiy-téxnika hemkarliqining keng dairide tereqqiy qildurulushini qollaydighanliqlirini bildürüp, bu xildiki hemkarliqlarning hazirqi waqitta otturigha chiqqan köp qutupluq dunya tertipide téximu muhim ehmiyetke ige ikenlikini eskertti.

u rusiyening nurghun ittipaqdashqa ige bolghanliqini memnunluq bilen qarshi alidighanliqini bildürüp: «dölitimizning oxshimighan qitelerde nurghun ittipaqdashliri, shérikiliri we oxshash qarashlargha ige dostlirining bolghanliqidin memnunluq hés qilimiz. bular atalmish jahangirlikke boyun egmigen döletler hésablinidu» dédi.

u: «mezkur döletlerning musteqil halda özining yolida mangalaydighanliqini eskertip: «ular igilik hoquqluq, musteqil tereqqiyat yolini tallaydu. ular xelqara qanun, özara mesuliyet we bir-birining menpeetini közde tutup, dunya we rayon bixeterlik mesililirini birlikte hel qilishni xalaydu. shunga, ular köp qutupluq dunyani qoghdashqa töhpe qoshuwatidu» dédi.

u rusiyening latin amérika, asiya we afriqadiki döletler bilen küchlük munasiwetke ige ikenlikini qeyt qilip: «latin amérika, asiya we afriqa döletliri bilen küchlük, dostane we heqiqiy ishenchke ige munasiwetlerge chin könglimizdin ehmiyet bérimiz. shériklirimiz we ittipaqdashlirimizni adettiki qorallardin herbiy aptomobillar we zembireklergiche, herbiy awiyatsiyedin uchquchisiz hawa apparatlirighiche bolghan zamaniwi qorallar bilen teminleshke teyyarmiz» dédi.



مۇناسىۋەتلىك خەۋەرلەر