xitayning istixbarat paaliyetliri bilen  shughullinidighan paraxoti siri lankagha lengger tashlidi

hindistan tashqi ishlar ministirliqi bixeterlik sewebidin bu paraxotning siri lankada lengger tashlishigha qarshi chiqqan idi.

1868638
xitayning istixbarat paaliyetliri bilen  shughullinidighan paraxoti siri lankagha lengger tashlidi
tayvan çin.jpg

türkiye awazi radiyosi xewiri: siri lanka lengger tashlash waqtini kéchiktürüshni telep qilghandin kéyin, xitayning  «yüen wang 5» tekshürüsh we tetqiqat paraxoti hambantota portigha kéchikip yétip keldi. paraxotni sri lanka dairiliri hambantota portida kütüwaldi.

11 – awghustta yéqilghu we bashqa lazimetlikler üchün hambantota portigha yétip kélishi pilanlanghan «yüen wang 5» namliq paraxot, siri lankaning kéchiktürüsh telipi sewebidin bügün (16-awghust) portqa lengger tashlidi.

ilmiy tetqiqatlardin bashqa yene, istixbarat paaliyetliri bilenmu shughullinish iqtidarigha ige xitay paraxotining 22 - awghustqiche (2022) portta turidighanliqi diqqet tartmaqta.

siri lanka mesulliri paraxotning siri lanka déngiz tewelikide héchqandaq tekshürüsh paaliyiti élip barmaydighanliqini bildürdi.

hindistan tashqi ishlar ministirliqi bixeterlik sewebidin bu mesilige qarshi chiqqandin kéyin, mezkur kéchiktürüsh telipi otturigha qoyulghan idi.

hindistan terep bu paraxotning xitay déngiz armiyesining herbiy heriketliri üchün taktikiliq sanliq melumatlarni toplishidin endishe qilmaqta.

paraxotning 11-awghusttin 17-awghustqiche hambantota portigha yétip kélishi mölcherlengen idi.

iqtisadiy kirizis bilen boghushuwatqan siri lankaning hindistandin qerz, ashliq we néfit yardimi éliwatqanliqi, emma xitayning yardimining muqim we izchil bolmaywatqanliqi melum.



مۇناسىۋەتلىك خەۋەرلەر