хитайниң истихбарат паалийәтлири билән  шуғуллинидиған парахоти сири ланкаға ләңгәр ташлиди

һиндистан ташқи ишлар министирлиқи бихәтәрлик сәвәбидин бу парахотниң сири ланкада ләңгәр ташлишиға қарши чиққан иди.

1868638
хитайниң истихбарат паалийәтлири билән  шуғуллинидиған парахоти сири ланкаға ләңгәр ташлиди
tayvan çin.jpg

түркийә авази радийоси хәвири: сири ланка ләңгәр ташлаш вақтини кечиктүрүшни тәләп қилғандин кейин, хитайниң  «йүән ваң 5» тәкшүрүш вә тәтқиқат парахоти һамбантота портиға кечикип йетип кәлди. парахотни сри ланка даирилири һамбантота портида күтүвалди.

11 – авғустта йеқилғу вә башқа лазимәтликләр үчүн һамбантота портиға йетип келиши пиланланған «йүән ваң 5» намлиқ парахот, сири ланканиң кечиктүрүш тәлипи сәвәбидин бүгүн (16-авғуст) портқа ләңгәр ташлиди.

илмий тәтқиқатлардин башқа йәнә, истихбарат паалийәтлири биләнму шуғуллиниш иқтидариға игә хитай парахотиниң 22 - авғустқичә (2022) портта туридиғанлиқи диққәт тартмақта.

сири ланка мәсуллири парахотниң сири ланка деңиз тәвәликидә һечқандақ тәкшүрүш паалийити елип бармайдиғанлиқини билдүрди.

һиндистан ташқи ишлар министирлиқи бихәтәрлик сәвәбидин бу мәсилигә қарши чиққандин кейин, мәзкур кечиктүрүш тәлипи оттуриға қойулған иди.

һиндистан тәрәп бу парахотниң хитай деңиз армийәсиниң һәрбий һәрикәтлири үчүн тактикилиқ санлиқ мәлуматларни топлишидин әндишә қилмақта.

парахотниң 11-авғусттин 17-авғустқичә һамбантота портиға йетип келиши мөлчәрләнгән иди.

иқтисадий киризис билән боғушуватқан сири ланканиң һиндистандин қәрз, ашлиқ вә нефит йардими еливатқанлиқи, әмма хитайниң йардиминиң муқим вә изчил болмайватқанлиқи мәлум.



مۇناسىۋەتلىك خەۋەرلەر