xitay teywen mesullirigha tehdit sélishni dawamlashturmaqta

xitay teywen mesullirigha émbargo yürgüzidighanliqini jakarlidi.

1868279
xitay teywen mesullirigha tehdit sélishni dawamlashturmaqta
Çin_hərbi təlim_.jpg
Tayvan lideri Tsai Ing-wen.jpg
tayvan bayrak.jpg

türkiye awazi radiyosi xewiri: amérika awam palatasining bashliqi nensi pélosi xanimning ay béshida (2-awghust) teywenge qilghan ziyaritidin kéyin, xitay musteqilliqni teshebbus qilghuchilargha, bolupmu araldiki hökümet emeldarlirigha émbargo yüzgüzidighan boldi.

«yer shari waqti géziti» ning xewirige asaslanghanda, xitay kommunistik partiye merkizi komitétining teywen ishxanisi teripidin élan qilinghan bayanatta, teywen bash ministiri su tiséngchang, parlamént bashliqi sen si-kun, tashqi ishlar ministiri joséf wu, teywen hökümitining amérikadiki wekili bi -xém syaw , teywen parlamént ezaliridin ko li - xisyung, tisey chi-chang, kér chén ming, chén jyaw xua we wang ting yü bilen paaliyetchi li fanning émbargo tizimlikige kirgüzülgenliki bildürülgen.

bayanatta, tilgha élinghan kishiler «teywen musteqilliqining keskin qoghdighuchiliri bolghan bölgünchilerdur» dep eyiblengen, ular we aililirining xitay chong quruqluqigha, xongkong we awmén alahide memuriy rayonlirigha kirishi cheklengenliki, munasiwetliri bolghan organ, teshkilat we shirketlerdin bashqa yene, ularning qollighuchiliri bilen xitayda turushluq kishiler we guruppilarning hemkarlishishi shundaqla xitayda payda élish paaliyetliride bolushi cheklengenliki uqturulghan.

buningdin bashqa yene, parlamént bashliqi yoning riyasetchilikdiki teywen démokratiye fondi jemiyiti we tashqi ishlar ministiri wu bash katipliqini qiliwatqan xelqara hemkarliq we tereqqiyat fondiningmu émbargo tizimlikige kirgüzülgenliki tekitlinip, mundaq déyilgen:

«teywenning musteqilliqini qolgha keltürüsh teshebbusliri xitayning birlishishi aldidiki eng chong tosalghu we xelqning qaytidin güllinishi yolidiki eng chong xeter. teywenning musteqilliqini qollaydighan az sandiki radikal bölgünchiler uzun mezgildin buyan shexsiy menpeetige mas halda chet el küchliri  bilen hemkarliship, ighwagerchilik heriketlirini köpeytmekte. mezkur bölgünchiler teywen boghuzining ikki teripini qutuplashturup, qesten küshkürtmekte. rayonning tinchliqi we muqimliqigha mesuliyetsizlik bilen ziyan salmaqta. amérika awam palatasi bashliqi nensi pélosi xanimning teywen ziyariti jeryanidiki paaliyetliri téximu yaman gherezlik bolup, teywenning musteqilliq izdinishidiki sozulma jeryanni ashkarilap qoydi.»

bayanatta yene, xitay chong quruqluqidiki hökümetning döletni bölüshni meqset qilghan her qandaq paaliyetke yol qoymaydighanliqi tekitlinip: «biz héchqandaq sirtqi küchning döletning güllinishige tosqunluq qilishigha we teywenning musteqilliqini meqset qilghan bölgünchilik paaliyetlirige yol qoymaymiz» déyildi.

 


خەتكۈچ: #émbargo , #teywen , #xitay

مۇناسىۋەتلىك خەۋەرلەر