jenubiy koréye bilen amérikaning yéqinqi yillardin buyanqi eng chong manéwiri bashlinidu

jenubiy koréye bilen amérikaning yéqinqi yillardin buyanqi eng chong birleshme herbiy manéwiri kéler hepte bashlinidu.

1868416
jenubiy koréye bilen amérikaning yéqinqi yillardin buyanqi eng chong manéwiri bashlinidu

türkiye awazi radiyosi xewiri: jenubiy koréye «yadro tehditini ashuruwatqan we tajawuzchiliq meydanini namayan qiliwatqan» shimaliy koréyege qarshi kéler hepte birleshme herbiy manéwirning bashlinidighanliqini jakarlidi.

jenubiy koréye armiyesining bayanatida, «ulchi erkinlik qalqini» namliq yazliq manéwirning 22-awghusttin 1-séntebirgiche ötküzülidighanliqi uqturuldi.

manéwirgha urush ayropilanliri, déngiz armiyesi urush paraxoti we tankilardin bashqa yene, minglighan eskerlermu qatnishidu.

deslepki 4 künde ammiwiy mudapie meshiqi élip bérilidighan manéwirda yene, birleshme hujum we aldinqi sep teminati meshiqi qilinidu.

uchquchisiz ayropilan we yéngi ewlad urush téxnikisini ishlitish meshiq témiliri qataridin orun aldi.

port, ayrodorum we sanaet rayonigha qaritilghan hujumlarda herbiyler bilen puqralarning qollishini asas qilghan mudapie meshiqimu élip bérilidu.

amérika dölet mudapie ministiri loyid j. ostin we uning jenubiy koréyelik mensepdishi li jong sup shimaly koréye rehbiri kim jongunning tehditliridin kéyin, 7 - éyulda élan qilghan bayanatida, ittipaqdashlarning chékindürgüch küchini kücheytish we 2022-yilining kéyinki yérimida birleshme herbiy manéwirni kéngeytish heqqide kélishim hasil qilghanliqini élan qilghan idi.

 



مۇناسىۋەتلىك خەۋەرلەر