җәнубий корейә билән американиң йеқинқи йиллардин буйанқи әң чоң маневири башлиниду

җәнубий корейә билән американиң йеқинқи йиллардин буйанқи әң чоң бирләшмә һәрбий маневири келәр һәптә башлиниду.

1868416
җәнубий корейә билән американиң йеқинқи йиллардин буйанқи әң чоң маневири башлиниду

түркийә авази радийоси хәвири: җәнубий корейә «йадро тәһдитини ашуруватқан вә таҗавузчилиқ мәйданини намайан қиливатқан» шималий корейәгә қарши келәр һәптә бирләшмә һәрбий маневирниң башлинидиғанлиқини җакарлиди.

җәнубий корейә армийәсиниң байанатида, «улчи әркинлик қалқини» намлиқ йазлиқ маневирниң 22-авғусттин 1-сентәбиргичә өткүзүлидиғанлиқи уқтурулди.

маневирға уруш айропиланлири, деңиз армийәси уруш парахоти вә танкилардин башқа йәнә, миңлиған әскәрләрму қатнишиду.

дәсләпки 4 күндә аммивий мудапиә мәшиқи елип берилидиған маневирда йәнә, бирләшмә һуҗум вә алдинқи сәп тәминати мәшиқи қилиниду.

учқучисиз айропилан вә йеңи әвлад уруш техникисини ишлитиш мәшиқ темилири қатаридин орун алди.

порт, айродорум вә санаәт райониға қаритилған һуҗумларда һәрбийләр билән пуқраларниң қоллишини асас қилған мудапиә мәшиқиму елип берилиду.

америка дөләт мудапиә министири лойид җ. остин вә униң җәнубий корейәлик мәнсәпдиши ли җоң суп шималй корейә рәһбири ким җоңунниң тәһдитлиридин кейин, 7 - ейулда елан қилған байанатида, иттипақдашларниң чекиндүргүч күчини күчәйтиш вә 2022-йилиниң кейинки йеримида бирләшмә һәрбий маневирни кеңәйтиш һәққидә келишим һасил қилғанлиқини елан қилған иди.

 



مۇناسىۋەتلىك خەۋەرلەر