еквадорда бомба һуҗуми йүз бәрди

җәнубий америка дөлити еквадорниң гуайакил шәһиридә йүз бәргән бомба һуҗумида 5 киши қаза қилип, 16 киши йариланди.

1867750
еквадорда бомба һуҗуми йүз бәрди

түркийә авази радийоси хәвири: еквадорниң әң чоң шәһири гуайакилгә қарашлиқ  киристо дел консуело районида кимлики намәлум кишиләр тәрипидин бомба һуҗуми елип берилди. һуҗумда 5 киши һайатидин айрилип, 16 киши йариланди, 8 өй вә 2 аптомобил зийанға учриди.

еквадор ички ишлар министири патрисио каррило тивиттер һесабида вәқәни әйибләп, «узундин буйан иқтисадни зәһәрләп келиватқан тәшкиллик җинайәт шайкилири әмдиликтә партилатқуч билән һуҗум қилмақта, бу рәсмий дөләткә уруш елан қилғанлиқтур» деди.

пирезидент гилермо лассому иҗтимаий алақә торида елан қилған байанатида, һайатидин айрилғанларниң аилә-тавабиатлириға тәзийә билдүрди.

гилермо лассо: «гуайакил хәлқини қоғдаш үчүн бихәтәрлик кабинетини дәрһал һәрикәткә өтүшкә буйрудум» деди.



مۇناسىۋەتلىك خەۋەرلەر