teywen etrapida xitaygha tewe 30 urush ayropilani we 5 urush paraxoti körüldi

türkiye awazi radiyosi xewiri: teywen dölet mudapie ministirliqining bayanatida, shu yerning waqti 17.00 de xitay armiyesige tewe 30 urush ayropilani we 5 urush paraxotining aral etrapida körülgenliki élan qilindi.

bayanatta, 15 xitay ayropilanining teywen boghuzidiki «tereplerning tesir dairisini cheklesh rayoni» dep qobul qilinghan hawa we déngiz liniyesining sherqige uchqanliqi  uqturuldi.

bayanatta, xitaygha tewe hawa we déngiz wastilirining teywenge tewe éléktronluq iz qoghlash qorali, charlash ayropilani, paraxot we yer yüzi bashqurulidighan bomba sistémisi arqiliq iz qoghlap közitilgenliki tekitlinip, «biz xitay armiyesining herbiy manéwirni élan qilish arqiliq rayonning tinchliqi we muqimliqigha éghir ziyan yetküzgenlikini eyibleymiz» déyildi.

amérika palata ezasi wekiller ömiki teywenni ziyaret qilghandin kéyin, xitay armiyesi aral etrapida «herbiy charlash paaliyiti we manéwir» bashlighanliqini jakarlighan idi.

xitay armiyesi sherq fronti qomandanliq ishtabining bayanatchisi shi yi «teywen etrapida birleshme jeng teyyarliqi charlash  paaliyetliri we heqiqiy urush manéwiri» ötküzüdighanliqlirini élan qilghan idi.

xitay dölet mudapie ministirliqining bayanatchisi wu chyenmu amérika palata ezasi wekiller ömikining ziyaritining teywen boghuzida tinchliq we muqimliqini buzushtiki amérikaning rolini ashkarilighanliqini  bildürüp, «armiyening teywen etrapidiki déngizda we hawa boshluqida birleshme manéwir ötküzüshi we meshiq qilishi, amérika bilen teywenning jinayi birlikige hemde ighwagerchilikige bildürülgen naraziliqtur» dégen idi.