qahirediki chérkawda yüz bergen ot apitide qaza qilghanlargha tölem bérilidighan boldi

misirning paytexti qahirening gherbidiki imbaba rayonida bir chérkawda yüz bergen ot apitide hayatidin ayrilghanlarning aile-tawabiatliri we yarilanghanlargha tölem bérilidighan boldi.

1867733
qahirediki chérkawda yüz bergen ot apitide qaza qilghanlargha tölem bérilidighan boldi

türkiye awazi radiyosi xewiri: misir ijtimaiy hemkarliq ministirliqi 41 kishi qaza qilghan we 14 kishi yarilanghan ebu seyféyn chérkawidiki ot apiti weqesi heqqide yazma bayanat élan qildi.

bayanatta, chérkawdiki ot apitide qaza qilghanlarning aile-tawabiatliri we yarilanghanlargha tölem bérilidighanliqi shundaqla bir yil boyiche ayliq maash bérilidighanliqi élan qilindi.

ot apitide hayatidin ayrilghanlarning aile-tawabiatlirigha 25 mingdin 50 mingghiche koni (texminen 1307 dollardin 2614 dollarghiche) yarilanghanlargha 5 ming kuni (texminen 261 dollar) tölem bérilidighanliqi uqturuldi.

buningdin bashqa yene, mezkur aile we yarilanghanlargha yardem meqsitide bir yil boyiche ayliq maash bérilidighanliqi tekitlendi.

qahirening gherbidiki imbaba rayonigha jaylashqan ebu seyféyn chérkawida tünügün diniy murasim jeryanida ot apiti yüz bergen idi.

misir qipti chérkawidiki ot apitide 41 kishi qaza qilip, 14 kishi yarilanghan idi.

misir ichki ishlar ministirliqi, tok éqimidiki jalaymiqanchiliq sewebidin chérkawning ikkinchi qewitidiki hawa tengshigüchke ot kétishi netijiside ot apiti yüz bergenlikini bildürgen idi.


خەتكۈچ: #ot apiti , #chérkaw , #misir

مۇناسىۋەتلىك خەۋەرلەر