nigériyede kelkünde nurghun kishi jénidin ayrildi

nigériyening jigawa ishtatida toxtimay yaghqan shiddetlik yamghur sewebidin peyda bolghan kelkünde 50 kishi jénidin ayrildi.

1867782
nigériyede kelkünde nurghun kishi jénidin ayrildi

türkiye awazi radiyosi xewiri: nigériye jiddiy ehwallargha taqabil turush agéntliqining jigawa bash katipi elhaji yusufsani babura bayanat élan qilip, ishtattiki 27 rayonda toxtimay yaghqan shiddetlik yamghur sewebidin kelkün apiti yüz bergenlikini bildürdi.

u yüz bergen kelkün apitde eng az dégende 50 kishining jénidin ayrilghanliqini, nurghun kishining yarilanghanliqini eskertti.

u kelkün apitide yüzlerche öyning éghir buzghunchiliqqa uchrighanliqini, minglarche kishining rayonlarda qurulghan waqitliq lagérlarda, bezilirining hökümet binalirida panahliniwatqanliqini qeyt qildi.

kilimat özgirishi we muhit mutexessisliri nigériyede 53 milyon kishining kelkün tehditige duch kelgenliki toghrisida agahlandurghan idi.

yobé ishtatida ötken ay (2022-yili iyul) yamghur seweb bolghan kelkün apitide töt kishi jénidin ayrilghan, 12 turalghu rayoni su astida qalghan idi.



مۇناسىۋەتلىك خەۋەرلەر