нигерийәдә гөрүгә елинған кишиләр қутқузулди

түркийә авази радийоси хәвири: нигерийә кадуна иштати ички ишлар комиссари самуел аруван мәзкур иштатниң сабон геро районида қораллиқ кишиләргә қарши һәрбий һәрикәт елип берилғанлиқини билдүрди.

у һәрбий һәрикәттә 35 кичик бала вә айалниң қутқузулғанлиқини әскәртип, нурғун қара гуруһ әзасиниң бир тәрәп қилинғанлиқини, қара гуруһқа тәвә нурғун қорал-йарағлар, мотосиклитлар вә муһим оқ-дориларниң қолға чүшүрүлгәнликини қәйт қилди.

нигерийәдә адәм әткәсчилики йаки гөрүгә еливелиш җинайитигә өлүм җазаси берилидиған болсиму, фидйә төлитиш үчүн гөрүгә еливелиш вәқәлири пат-пат йүз берип туриду.

нигерийәдә күнсери көпийиватқан хәвпсизлик мәсилилиригә қарши күрәш рамкисида, фидйә төләш чәкләнгән иди.