мексикада тәшкиллик җинайәт гуруһиға еғир зәрбә берилди

мексикада бихәтәрлик қисимлири елип барған һәрикәттә тәшкиллик җинайәт гуруһлириниң 164 әзаси қолға елинип, нурғун қорал вә аптомобиллар мусадирә қилинди.

1867837
мексикада тәшкиллик җинайәт гуруһиға еғир зәрбә берилди

түркийә авази радийоси хәвири: мексиканиң мичокан өлкисигә җайлашқан тийаба йезиси 28 аптомобил билән кәлгән қораллиқ җинайәт тәшкилати «пуеблос йунидос» әзалири тәрипидин қоршавға елинғанлиқи  һәққидики хәвәр йетип кәлгәндин кейин, бихәтәрлик қисимлири районға қарита һәрикәт башлиди.

мичокан өлкилик җамаәт хәвипсизлики министирлиқи тәрипидин елан қилинған байанатта, өлкилик җамаәт хәвипсизлики министири генерал җосе алфредо ортега бивастә рәһбәрлик қилған өлкилик хәлқ муһапизәт әтрити, мексика дөләт армийәси вә дөләт муһапизәтчиләр әтритиниң ортақ қатнишиши билән елип берилған һәрикәт нәтиҗисидә, йезини қоршивалған 164 шайка әзасиниң қолға елинип әдлийә органлириға тапшуруп берилгәнлики билдүрүлди.

байанатта, 142 милтиқ, 44 тапанча, нурғун оқ-дора вә бирси бронивәик болуп, җәмий 28 аптомобилниң мусадирә қилинғанлиқи уқтурулди.



مۇناسىۋەتلىك خەۋەرلەر