teywen etrapida tünügün xitaygha tewe 29 urush ayropilani körüldi
teywen tünügün aral etrapida xitaygha tewe 29 urush ayropilani we 6 urush paraxotining körülgenlikini bildürdi.
türkiye awazi radiyosi xewiri: teywen dölet mudapie ministirliqining bayanatida, aral etrapida körülgen ayropilanlardin 13 ining <teywen boghuzidiki tereplerning tesir dairisini cheklesh rayoni> dep qobul qilinghan hawa we déngiz liniyesining sherqige hemde teywenning hawa mudapie perqlendürüsh rayoni (ADIZ) ning gherbiy jenub qismigha qarap uchqanliqi bildürüldi.
bayanatta xitay hawa we déngiz wastilirining teywenge tewe éléktronluq iz qoghlash üskünisi, charlash ayropilani, paraxot we yer yüzi bashqurulidighan bomba sistémisi bilen iz qoghlap közitilgenliki uqturuldi.
amérika awam palatasi bashliqi nénsi pélosining 2-we 3- awghust künliri teywenge qilghan ziyaritidin kéyin, xitay aral etrapida herbiy manéwir ötküzgen idi.
xitay 6 rayonda élip barghan manéwir arqiliq aralning etrapida emeliy qorshawni shekillendürgen idi.
xitay armiyesi 10- awghustta manéwirning tamamlanghanliqini élan qilghan, emma teywen boghuzidiki herbiy charlash heriketlirining dawamlishidighanliqini jakarlighan idi.
