engliye ukrainani téximu köp qoral - yaragh bilen teminleydu

engliyening ukrainani téximu köp rakétamiyot sistémisi we bashqurulidighan bomba bilen teminleydighanliqi bildürüldi.

1866879
engliye ukrainani téximu köp qoral - yaragh bilen teminleydu

türkiye awazi radiyosi xewiri: engliye dölet mudapie ministirliqining bildürüshiche, bu qarar, bu yilning bashlirida ukraina armiyesige bérilgen köp xil rakétamiyot sistémilirining muweppeqiyetlik ishlitilishidin kéyin chiqirilghan.

engliye dölet mudapie weziri bén wallésning sözi neqil keltürülgen bayanatta, mundaq déyilgen: «yéngi herbiy jehettiki qollash, ukraina qisimlirining <rusiyening tajawuzchiliqi we uzun musapilik zembireklerni qalaymiqan ishlitishige qarshi turushi> gha zémin hazirlap béridu.»

wallés, «engliye we xelqara jemiyet bu <qanunsiz urush> qa dawamliq qarshi turidu we <rusiye prézidénti wiladimir> putinning tajawuzchiliqidin mudapielinishi üchün,  ukrainagha herbiy jehettin yardem béridu» dégen.

engliyening ukrainani téximu köp rakétamiyot sistémisi we yétekchi bashqurulidighan bomba bilen teminleydighanliqi esketilgen bayanatta, bu herbiy yardemning, engliyening texminen 10 ming ukraina eskirini terbiyelesh wedisige töhpe qoshidighanliqi, buni kanada, daniye, shiwétsiye, finlandiye we gollandiyeningmu qollaydighanliqi qeyt qilinghan.

rusiye armiyesi, 24 – féwral küni ukrainagha herbiy heriket qozghighanidi.



مۇناسىۋەتلىك خەۋەرلەر