joanne ow: «rayon xaraktérliq muqimsizliqni keltürüp chiqiriwatqini del xitaydur»

xitay bilen igilik hoquq talash – tatishi dawamlishiwatqan teywen hökümiti béyjingning siyaset höjjitidiki «bir dölet, ikki tüzüm» asasidiki  «tinch birlishish» teklipini ret qilghanliqini jakarlidi.

1867055
joanne ow: «rayon xaraktérliq muqimsizliqni keltürüp chiqiriwatqini del xitaydur»
çin tatbikat.jpg
çin tayvan.jpg
nancy pelosi tayvan.jpg
cin tayvan tatbikat.jpg
tayvan F-5E.JPG

türkiye awazi radiyosi xewiri: teywen tashqi ishlar ministirliqi bayanatchisi joanne ow élan qilghan babayantida, bir tereptin aral etrapida herbiy manéwirlarni ötküzüp,  yene bir tereptin tinch birlikke kélish uchuri élan qilish tolimu ishiniksiz bir ehwal ikenlikini tekitlidi.

bayanatchi joanne ow xitay teripidin élan qilinghan siyaset höjjitige narazliq bildürüp, ikki terepning aptonomiyelik mewjutluqini körmeske salghan halda, teywenni xitayning bir parchisi hésblashqa reddiye béridighanliqini éytti.

bayanatchi joanne ow, «chong quruqluqtiki kommunistlar ezeldin teywenge hökümranliq qilip baqqan emes. teywenning igilik hoquqi 23 milyon 500 ming teywen xelqige aittur. teywen xelqi béyjingning <bir dölet, ikki sistéma> teklipini asas qilip birlishish teklipini qetiy qobul qilmaydu» dédi.

joanne ow yene mundaq dédi:

«xitay amérika awam palatasi bashliqi nénsi polisining araldiki ziyaritini bahane qilip,  ighwagerchilik heriketliride boldi. manéwir arqiliq herbiy küch körsetti. teywenni tor hujumi we tetur teshwiqat paaliyetliri arqiliq qorqutmaqchi boldi. peqet teywengila emes, pütün rayonning tinchliqigha tehdit saldi. heqiqiy xelqaraliq oyun özgertküchi we rayon xaraktérliq muqimsizliqni keltürüp chiqarghuchi del xitaydur»

xitay hökümiti charshenbe küni élan qilinghan teywen siyaset höjjitide, aral bilen chong quruqluq otturisidiki idiye we ijtimaiy perqni étirap qilishni asas qilghan «tinch birlishish» nishanini tekitligen we höjjette «bir dölet , ikki sistéma» qarishining eng sighdurushchan hel qilish charisi bolidighanliqini ilgiri sürgen idi.

nénsi pélosi we 5 kishilik palata ezasi heyitining aldinqi hepte teywenge qilghan ziyariti, bu aralni öz zéminining bir qismi dep dawa qiliwatqan xitayning naraziliqini qozghighan we ziyarettin kéyin xitay aral etrapida herbiy manéwir bashlighan idi.


خەتكۈچ: #teywen , #xitay

مۇناسىۋەتلىك خەۋەرلەر