җоаннә ов: «район характерлиқ муқимсизлиқни кәлтүрүп чиқириватқини дәл хитайдур»

хитай билән игилик һоқуқ талаш – татиши давамлишиватқан тәйвән һөкүмити бейҗиңниң сийасәт һөҗҗитидики «бир дөләт, икки түзүм» асасидики  «тинч бирлишиш» тәклипини рәт қилғанлиқини җакарлиди.

1867055
җоаннә ов: «район характерлиқ муқимсизлиқни кәлтүрүп чиқириватқини дәл хитайдур»
çin tatbikat.jpg
çin tayvan.jpg
nancy pelosi tayvan.jpg
cin tayvan tatbikat.jpg
tayvan F-5E.JPG

түркийә авази радийоси хәвири: тәйвән ташқи ишлар министирлиқи байанатчиси җоаннә ов елан қилған бабайантида, бир тәрәптин арал әтрапида һәрбий маневирларни өткүзүп,  йәнә бир тәрәптин тинч бирликкә келиш учури елан қилиш толиму ишиниксиз бир әһвал икәнликини тәкитлиди.

байанатчи җоаннә ов хитай тәрипидин елан қилинған сийасәт һөҗҗитигә наразлиқ билдүрүп, икки тәрәпниң аптономийәлик мәвҗутлуқини көрмәскә салған һалда, тәйвәнни хитайниң бир парчиси һесблашқа рәддийә беридиғанлиқини ейтти.

байанатчи җоаннә ов, «чоң қуруқлуқтики коммунистлар әзәлдин тәйвәнгә һөкүмранлиқ қилип баққан әмәс. тәйвәнниң игилик һоқуқи 23 милйон 500 миң тәйвән хәлқигә аиттур. тәйвән хәлқи бейҗиңниң <бир дөләт, икки система> тәклипини асас қилип бирлишиш тәклипини қәтий қобул қилмайду» деди.

җоаннә ов йәнә мундақ деди:

«хитай америка авам палатаси башлиқи ненси полисиниң аралдики зийаритини баһанә қилип,  иғвагәрчилик һәрикәтлиридә болди. маневир арқилиқ һәрбий күч көрсәтти. тәйвәнни тор һуҗуми вә тәтур тәшвиқат паалийәтлири арқилиқ қорқутмақчи болди. пәқәт тәйвәнгила әмәс, пүтүн районниң тинчлиқиға тәһдит салди. һәқиқий хәлқаралиқ ойун өзгәрткүчи вә район характерлиқ муқимсизлиқни кәлтүрүп чиқарғучи дәл хитайдур»

хитай һөкүмити чаршәнбә күни елан қилинған тәйвән сийасәт һөҗҗитидә, арал билән чоң қуруқлуқ оттурисидики идийә вә иҗтимаий пәрқни етирап қилишни асас қилған «тинч бирлишиш» нишанини тәкитлигән вә һөҗҗәттә «бир дөләт , икки система» қаришиниң әң сиғдурушчан һәл қилиш чариси болидиғанлиқини илгири сүргән иди.

ненси пелоси вә 5 кишилик палата әзаси һәйитиниң алдинқи һәптә тәйвәнгә қилған зийарити, бу арални өз земининиң бир қисми дәп дава қиливатқан хитайниң наразилиқини қозғиған вә зийарәттин кейин хитай арал әтрапида һәрбий маневир башлиған иди.


خەتكۈچ: #тәйвән , #хитай

مۇناسىۋەتلىك خەۋەرلەر