reisi: téhran rayonning jughrapiyelik chégrasining özgirishini qetiy qobul qilmaydu

iran prézidénti ibrahim reisi, dölitining rayonning jughrapiyelik chégrasining özgirishini qetiy qobul qilmaydighanliqini bildürdi.

1866715
reisi: téhran rayonning jughrapiyelik chégrasining özgirishini qetiy qobul qilmaydu

türkiye awazi radiyosi xewiri: iran pirézidéntliq mehkimisining resmiy tor bétide bayanat élan qilip, ibrahim reisi bilen erméniye bash ministiri nikol pashinyanning téléfon söhbiti ötküzgenlikini, söhbet jeryanida reisining, téhran bilen eriwan otturisidiki uzun mezgillik iqtisadiy hemkarliqni kücheytish kéreklikini tekitligenlikini uqturdi.

reisi, yéqinda kawkaz rayonida yüz bergen toqunushlar heqqide toxtilip: «üch terep xitabnamisige qol qoyghan döletler (ezerbeyjan – erméniye – rusiye)ning kélishimning belgilimilirige emel qilip, saqliniwatqan mesililerni diyalog we diplomatiye yoli arqiliq hel qilishi, kawkaz rayonining tinchliqi we bixeterlikige kapaletlik qilishning eng yaxshi usuli. iran, rayonning jughrapiyelik chégrasining özgirishini qetiy qobul qilmaydu» dédi.

bayanatta körsitilishiche, erméniye bash ministiri pashinyan söhbet jeryanida «dölitining ezerbeyjan bilen bolghan toqunushi toghrisida tepsiliy uchur bergen».

pashinyan yene, téhran - eriwan munasiwitining tereqqiyatidin memnun ikenlikini tilgha élip, ikki dölet otturisidiki yük transportigha qolayliq yaritishni we tashyol, énérgiye qatarliq ul eslihe saheliridiki hemkarliqni kücheytishni xalaydighanliqini bildürgen.


خەتكۈچ: #uyghurche , #erméniye , #iran

مۇناسىۋەتلىك خەۋەرلەر