рәиси: теһран районниң җуғрапийәлик чеграсиниң өзгиришини қәтий қобул қилмайду

иран президенти ибраһим рәиси, дөлитиниң районниң җуғрапийәлик чеграсиниң өзгиришини қәтий қобул қилмайдиғанлиқини билдүрди.

1866715
рәиси: теһран районниң җуғрапийәлик чеграсиниң өзгиришини қәтий қобул қилмайду

түркийә авази радийоси хәвири: иран пирезидентлиқ мәһкимисиниң рәсмий тор бетидә байанат елан қилип, ибраһим рәиси билән әрменийә баш министири никол пашинйанниң телефон сөһбити өткүзгәнликини, сөһбәт җәрйанида рәисиниң, теһран билән әриван оттурисидики узун мәзгиллик иқтисадий һәмкарлиқни күчәйтиш керәкликини тәкитлигәнликини уқтурди.

рәиси, йеқинда кавказ районида йүз бәргән тоқунушлар һәққидә тохтилип: «үч тәрәп хитабнамисигә қол қойған дөләтләр (әзәрбәйҗан – әрменийә – русийә)ниң келишимниң бәлгилимилиригә әмәл қилип, сақлиниватқан мәсилиләрни дийалог вә дипломатийә йоли арқилиқ һәл қилиши, кавказ райониниң тинчлиқи вә бихәтәрликигә капаләтлик қилишниң әң йахши усули. иран, районниң җуғрапийәлик чеграсиниң өзгиришини қәтий қобул қилмайду» деди.

байанатта көрситилишичә, әрменийә баш министири пашинйан сөһбәт җәрйанида «дөлитиниң әзәрбәйҗан билән болған тоқунуши тоғрисида тәпсилий учур бәргән».

пашинйан йәнә, теһран - әриван мунасивитиниң тәрәққийатидин мәмнун икәнликини тилға елип, икки дөләт оттурисидики йүк транспортиға қолайлиқ йаритишни вә ташйол, енергийә қатарлиқ ул әслиһә саһәлиридики һәмкарлиқни күчәйтишни халайдиғанлиқини билдүргән.



مۇناسىۋەتلىك خەۋەرلەر