җәнубий корейә бейҗиңниң йуқири бошлуқ һава мудапиә системиси тоғрисидики тәлипини рәт қилди

сеол һөкүмити, бейҗиңниң җәнубий корейә тәвәликигә америкада йасалған башқурулидиған бомба системисини орунлаштурмаслиқ тоғрисидики чақириқини рәт қилди.

1866450
җәнубий корейә бейҗиңниң йуқири бошлуқ һава мудапиә системиси тоғрисидики тәлипини рәт қилди

түркийә авази радийоси хәвири: җәнубий корейә ташқи ишлар министирлиқи, министир парк җинниң сәйшәнбә күни хитай ташқи ишлар министири ваң йи билән өткүзгән учришишидин кейин йазма байанат елан қилип, йуқири бошлуқ һава мудапиә системиси (THAAD) ниң җәнубий корейәликләрниң һайати вә мал-мүлүклирини қоғдаштики бир мудапиә қорали икәнликини, сеулниң буни бейҗиң билән сөһбәтлишишни халимайдиған дөләт бихәтәрлик мәсилиси дәп қарайдиғанлиқини уқтурди.

байанатта, йуқири бошлуқ һава мудапиә системисиниң җәнубий корейәгә орунлаштурулмаслиқи тоғрисида рәсмий келишим йаки берилгән вәдиләрниң йоқлуқиға ишарәт қилинип, икки министирниң учришида, тәрәпләрниң йуқири бошлуқ һава мудапиә системисиға мунасивәтлик қарашлириниң пәрқлиқ икәнликини дәлиллигәнлики, буниң икки дөләт мунасивәтлиридә чегишлик пәйда қилмаслиқи тоғрисида бирдәклик һасил қилинғанлиқи тәкитләнди.

хитай ташқи ишлар министирлиқи байанатчиси ваң венбин икки министирниң хитайдики учришишидин кейин байанат берип, йуқири бошлуқ һава мудапиә системисиниң бейҗиңниң истратегийәлик бихәтәрлик мәнпәәтигә бузғунчилиқ қилғанлиқини илгири сүрүп, җәнубий корейәниң йуқири бошлуқ һава мудапиә системиси паалийитини чәкләшкә вәдә бәргәнликини билдүргәниди.

у, икки ташқи ишлар министириниң йуқири бошлуқ һава мудапиә системиси тоғрисида чоңқур пикир алмаштуруп, мәйданини айдиңлаштуруп, өзара чүшинишни күчәйткәнликини қәйт қилғаниди.



مۇناسىۋەتلىك خەۋەرلەر