pélosi: teywenning yalghuzlashturulushigha yol qoyushqa bolmaydu

amérika awam palatasi bashliqi nensi pélosi, xitayning teywenni yalghuzlashturushigha «yol qoyushqa bolmaydighanliqi»ni éytti.

1865880
pélosi: teywenning yalghuzlashturulushigha yol qoyushqa bolmaydu

türkiye awazi radiyosi xewiri: nensi pélosi ötken heptidiki teywen ziyaritidin kéyin tunji qétim amérikaning NBC xewerler qanilining biwasite söhbet pirogrammisigha chiqip, özining teywenni ziyaret qilishtiki meqsitige dair soallargha jawab berdi؛ u, teywenning erkin dölet ikenlikini, uni kimning ziyaret qilidighanliqigha bashqa döletlerning arilishalmaydighanliqini bildürüp: «ulargha (teywenliklerge) dunya sehiye teshkilatigha kirelmeysiler, dése bolidu, emma, (héchkim) teywenge kimning baridighanliqigha arilishalmaydu. xitay hökümitining teywenni yalghuzlashturushigha yol qoyalmaymiz» dégenlerni qeyt qildi.  

pélosi özining 6 kishilik wekiller ömiki bilen birlikte teywenge barghanliqini we parlaméntlar ara alaqining muhimliqini tilgha élip: «awam palatasi bashliqi bolush süpitim bilen, teywenge qaratqan ziyaritimizde her ikki partiye (démokratik we jumhuriyetchiler partiyesi) ning alahide qollishigha érishken idim. biz teywende minglarche kishi teripidin nahayiti qizghin qarshi élinduq» dédi.

amérikaning xitay siyasitide özgirish yoqluqini bildürgen pélosi: «biz u yerge siyasitimizni özgertish üchün barmiduq. biz yenila <bir xitay> siyasitini qollaymiz. bu yerde biaram qilidighan bir ish yoq idi» dédi.

u yene: «palatalar biz bilen dost we démokratik döletlerni qollaydighanliqini namayan qilsa bolidu. teywen siyasiti qanunigha asaslanghanda, teywen bizning dostimiz» dégenlerni sözlirige ilawe qildi.

.



مۇناسىۋەتلىك خەۋەرلەر