xitay armiyesi manéwirlirini axirlashturdi

xitay armiyesi, amérika awam palatasi bashliqi nensi pélosining ötken heptidiki teywen ziyaritidin kéyin,aral etrapida bashlighan herbiy manéwirlirini axirlashturghanliqini uqturdi.

1866105
xitay armiyesi manéwirlirini axirlashturdi

türkiye awazi radiyosi xewiri: xitay armiyesi sherq firont qomandanliq ishtabi bayanatchisi shi yi bayanat bérip, teywen etrapidiki déngiz we hawa boshluqidiki manéwirlarning axirlashqanliqini bildürdi؛ u, manéwirlar dairisidiki wezipilerning muweppeqiyetlik tamamlanghanliqini, armiyening birleshme jeng qilish iqtidarining ünümlük sinaq qilinghanliqini tilgha élip, béyjingning teywen boghuzidiki weziyetni nazaret qilidighanliqi we jeng teyyarliqi manéwirlirini muntizim shekilde élip baridighanliqini otturigha qoydi.

bu bayanat xitay hökümitining bügün etigen teywen siyasiti höjjiti élan qilghandin kéyin élan qilindi. höjjette, xitay bilen teywenning idiyewi we ijtimaiy perqi étirap qilinghan «tinch birlishish» nishani tekitlendi.

xitay teywen ishliri ishxanisi bilen uchur – alaqe ishliri bashqarmisi birlikte élan qilghan «teywen mesilisi we yéngi dewrde xitayning birlishishi» mawzuluq höjjette, aralning igilik hoquqining béyjinggha mensup ikenliki tekitlinish bilen birge, yarishishni teshebbus qilidighan uchurlargha orun bérilishi diqqetni tartti.

xitay armiyesi nensiy pélosining ziyaritidin kéyin, 8-, 7- awghust künliri aral etrapidiki 6 rayonda herbiy manéwir bashlighan bolup, manéwir toghrisidiki hawa bixeterlik agahlandurushining mudditining 7-awghust kéchisi toshqan bolushigha qarimay, manéwirlar 8-we 9-awghust künlirimu dawamlashqanidi.

aral etrapida emeliy qamal peyda qilghan manéwirlar sewebidin bezi rayonlar paraxot we ayropilan qatnishigha taqalghanidi.



مۇناسىۋەتلىك خەۋەرلەر