joséf wu, xitayning herbiy manéwirlirining «bésiwélish pilanining» teyyarliqi ikenlikini ilgiri sürdi

teywen tashqi ishlar ministiri joséf wu, xitayning, amérika awam palatasi bashliqi nensi pélosining ziyaritidin kéyin aralning etrapida élip barghan herbiy manéwirlirining «bésiwélish pilanigha teyyarliq qilish»tin ibaret ikenlikini ilgiri sürdi.

1865988
joséf wu, xitayning herbiy manéwirlirining «bésiwélish pilanining» teyyarliqi ikenlikini ilgiri sürdi

türkiye awazi radiyosi xewiri: teywen tashqi ishlar ministiri wu muxbirlarni kütüwélish yighini ötküzüp, aldinala élan qilinghan töt künlük muddetning toshqan bolushigha qarimay dawamlashturuluwatqan keng kölemlik manéwirlarning, hindi-tinch okyan rayonidiki eng qaynaq hawa we paraxot tiransporti liniyesidiki paaliyetlerni qalaymiqanlashturup, rayonning tinchliqi we bixeterlikige ziyan yetküzgenlikini otturigha qoydi we xitayni «mesuliyetsizlik qilish» bilen eyiblidi.

béyjingning pélosining ziyaritini bahane qilip «teywen boghuzi we uning etrapidiki rayonlargha hökümranliq qilish niyiti»ni ashkarilighanliqini bildürüp, «xitay manéwirlardin teywenni bésiwélish pilanigha teyyarliq qilish üchün paydilanmaqta» dédi.

manéwir jeryanida aralning etrapigha bashqurulidighan bombilarning qoyup bérilgenlikini, xitayning ochuq – ashkara halda bashqa döletlerni (xitayning) teywenge tajawuz qilishqa urunushigha tosqunluq qilishtin waz kechtürüshke tirishanliqini tilgha alghan ministir wu: «ziyaretke tosqunluq qilish taktikisining sinap körülüshi, xitayning teywendin halqighan géo-istratégiyelik muddiasini namayan qilip béridu.  xitayning herbiy manéwirlarning perde arqisidiki asasliq meqsiti, teywen boghuzi we pütkül rayonning hazirqi halitini özgertishtin ibaret» dédi.

u, erkinlikni yaqlighuchi barliq döletlerni ittipaqliship, mustebitlikning tarqilishigha taqabil turushqa chaqirdi.

béyjingning keng kölemlik manéwirlar, bashqurulidighan bomba sinaqliri, tor hujumliri, tetur teshwiqatlar, iqtisadiy jaza we mejburlash siyasetliri arqiliq teywen xelqining keypiyatini buzushqa urunuwatqanliqini bildürgen wu: «xitayning teywenni qorqutushqa urunushliri bizni ensizlikke muptila qilmaydu hem meghlup qilalmaydu. héchkim teywendin erkinlik we démokratiyeni tartiwalalmaydu. bular bizning DNA mizgha singip ketken qimmet qarashlar. teywen özining erkin we démokratik turmush usulini adaqqiche qoghdaydu» dégenlerni qeyt qildi.

aldinqi hepte nensi pélosi we hemrahliqidiki besh kishilik amérika palatasi wekillerning ötken heptidiki ziyariti, aralni öz zéminining bir qismi dep qarawatqan béyjingning naraziliqini qozghighanidi. xitay,  2-we 3-awghusttiki ziyarettin kéyin, aral etrapida herbiy manéwir bashlighan bolup, deslepte 4-7-awghust künliri ötküzülidighanliqi élan qilinghan manéwirlar, pilanlanghan muddettin halqighan halette dawamlashturulmaqta.



مۇناسىۋەتلىك خەۋەرلەر