җосеф ву, хитайниң һәрбий маневирлириниң «бесивелиш пиланиниң» тәййарлиқи икәнликини илгири сүрди

тәйвән ташқи ишлар министири җосеф ву, хитайниң, америка авам палатаси башлиқи нәнси пелосиниң зийаритидин кейин аралниң әтрапида елип барған һәрбий маневирлириниң «бесивелиш пиланиға тәййарлиқ қилиш»тин ибарәт икәнликини илгири сүрди.

1865988
җосеф ву, хитайниң һәрбий маневирлириниң «бесивелиш пиланиниң» тәййарлиқи икәнликини илгири сүрди

түркийә авази радийоси хәвири: тәйвән ташқи ишлар министири ву мухбирларни күтүвелиш йиғини өткүзүп, алдинала елан қилинған төт күнлүк муддәтниң тошқан болушиға қаримай давамлаштурулуватқан кәң көләмлик маневирларниң, һинди-тинч окйан районидики әң қайнақ һава вә парахот тиранспорти линийәсидики паалийәтләрни қалаймиқанлаштуруп, районниң тинчлиқи вә бихәтәрликигә зийан йәткүзгәнликини оттуриға қойди вә хитайни «мәсулийәтсизлик қилиш» билән әйиблиди.

бейҗиңниң пелосиниң зийаритини баһанә қилип «тәйвән боғузи вә униң әтрапидики районларға һөкүмранлиқ қилиш нийити»ни ашкарилиғанлиқини билдүрүп, «хитай маневирлардин тәйвәнни бесивелиш пиланиға тәййарлиқ қилиш үчүн пайдиланмақта» деди.

маневир җәрйанида аралниң әтрапиға башқурулидиған бомбиларниң қойуп берилгәнликини, хитайниң очуқ – ашкара һалда башқа дөләтләрни (хитайниң) тәйвәнгә таҗавуз қилишқа урунушиға тосқунлуқ қилиштин ваз кәчтүрүшкә тиришанлиқини тилға алған министир ву: «зийарәткә тосқунлуқ қилиш тактикисиниң синап көрүлүши, хитайниң тәйвәндин һалқиған гео-истратегийәлик муддиасини намайан қилип бериду.  хитайниң һәрбий маневирларниң пәрдә арқисидики асаслиқ мәқсити, тәйвән боғузи вә пүткүл районниң һазирқи һалитини өзгәртиштин ибарәт» деди.

у, әркинликни йақлиғучи барлиқ дөләтләрни иттипақлишип, мустәбитликниң тарқилишиға тақабил турушқа чақирди.

бейҗиңниң кәң көләмлик маневирлар, башқурулидиған бомба синақлири, тор һуҗумлири, тәтур тәшвиқатлар, иқтисадий җаза вә мәҗбурлаш сийасәтлири арқилиқ тәйвән хәлқиниң кәйпийатини бузушқа урунуватқанлиқини билдүргән ву: «хитайниң тәйвәнни қорқутушқа урунушлири бизни әнсизликкә муптила қилмайду һәм мәғлуп қилалмайду. һечким тәйвәндин әркинлик вә демократийәни тартивалалмайду. булар бизниң DNA мизға сиңип кәткән қиммәт қарашлар. тәйвән өзиниң әркин вә демократик турмуш усулини адаққичә қоғдайду» дегәнләрни қәйт қилди.

алдинқи һәптә нәнси пелоси вә һәмраһлиқидики бәш кишилик америка палатаси вәкилләрниң өткән һәптидики зийарити, арални өз земининиң бир қисми дәп қараватқан бейҗиңниң наразилиқини қозғиғаниди. хитай,  2-вә 3-авғусттики зийарәттин кейин, арал әтрапида һәрбий маневир башлиған болуп, дәсләптә 4-7-авғуст күнлири өткүзүлидиғанлиқи елан қилинған маневирлар, пиланланған муддәттин һалқиған һаләттә давамлаштурулмақта.



مۇناسىۋەتلىك خەۋەرلەر