blinkén: afriqa ellirini hoquqta barawer hemrahlar dep qaraymiz

amérika qoshma ishtatliri tashqi ishlar ministiri antoni blinkén afriqa ellirining hemmisini hoquqta barawer hemrahlar dep qaraydighanliqlirini éytti.

1865374
blinkén: afriqa ellirini hoquqta barawer hemrahlar dep qaraymiz

türkiye awazi radiyosi xewiri: blinkén, 7 – 8 – awghust künliri jenubiy afriqa jumhuriyitige qilidighan ziyariti dairiside, prétorya uniwérsitétida amérika qoshma ishtatliri pirézidénti jo baydin hökümitining afriqa siyasiti heqqide bergen bayanatida, dölitining afriqagha nahayiti zor ehmiyet béridighanliqini tekitlep mundaq dédi: «amérika qoshma ishtatliri, 54 afriqa dölitining hemmisini hoquqta barawer hemrah eller dep qaraydu.»

amérika qoshma ishtatlirining sehrayi kebirning jenubidiki afriqa döletlirini nahayiti muhim istiratégiyelik küch dep qaraydighanliqini bayan qilghan blinkén, dölitining afriqa döletliri bilen iqtisad, kilimat, énérgiye, démokratiye we xelqara munasiwetler saheliride hoquqta barawer hemrah süpitide hemkarlishishni xalaydighanliqini qeyt qildi.

igilinishiche, ministir blinkénning  7-awghust johannisburgdin bashlanghan afriqa ziyariti, jenubiy afriqa jumhuriyiti, kongo démokratik jumhuriyiti we riwandadin ibaret 3 döletni öz ichige alidiken.

blinkénning bu ziyaritining, rusiye tashqi ishlar ministiri sérgéy lawrowning afriqa ziyaritidin kéyinki waqitqa toghra kélishi diqqet qozghidiken.

afriqa döletliring rusiye – ukraina kirizisidiki biterep we diyalogni qollash meydani, bu ziyaretning muhim küntertip maddiliridin birini teshkil qilidiken.



مۇناسىۋەتلىك خەۋەرلەر