zéléniskiy donbas weziyitining yenila éghir ikenlikini bildürdi

türkiye awazi radiyosi xewiri: wiladimir zélénskiy özining télégramma adrésida hembehriligen sin körünüshlük uchurida, dölitining sherqidiki aldinqi seplerning nöwettiki weziyitini tilgha élip, bolupmu donétsiki we xarkiw terepliridiki weziyetning yenila éghir ikenlikini, shundaq bolushigha qarimay, ukraina armiyesining «nurghun kishilerning hayatini qurban qilish» bedilige rusiyening bu yerdiki hujumlirigha taqabil turushni dawamlashturuwatqanliqini bildürdi we sözini dawamlashturup: «donbasning weziyiti yenila intayin nachar, armiyemiz rusiye térrorluqini tosush we tajawuzchilarni imkaniyetning yétishiche eng éghir talapetke uchritish üchün barliq amallarni qiliwatidu» dégenlerni qeyt qildi.

rusiye qisimlirining diqqitini xarkiwgha qaratqan hujumlirini kücheytishke merkezleshtürgenlikini tilgha alghan zélénskiy, bu yerdimu shiddetlik toqunushlarning yüz bergenlikini bildürdi.

u, ukraina armiyesining téximu köp qoralgha mohtaj ikenlikini tekitlep: «biz her küni toxtawsiz halda aldinqi seplerge téximu küchlük we yiraq musapilik sistémilarni ewetish üchün qoral toluqlashqa tirishiwatimiz. shériklirimizdin yardem pilanliri toghrisida xush xewerlerni kütüwatimiz» dédi.