xitayning 900 yilliq tarixqa ige yaghach köwrüki köyüp külge aylandi

xitayning fujiyen ölkisidiki 900 yilliq tarixqa ige wanen köwrüki köyüp külge aylandi.

1864882
xitayning 900 yilliq tarixqa ige yaghach köwrüki köyüp külge aylandi
Abd-yangın
çin yangın

türkiye awazi radiyosi xewiri: xitay kommunistik partiyesining resmiy neshriyat orgini bolghan «yershari waqit géziti» ning xewirige asaslanghanda, sung sulalisi dewride hazirqi fujiyen ölkisige qarashliq pingnan rayonida tash we yaghachtin yasalghan egme köwrükte ot apiti yüz bergen.

900 yilliq tarixqa ige köwrükning göwdisi ot apitide pütünley köyüp örülüp chüshken.

texminen 10 saet dawamlashqan ot öchürüsh xizmitidin kéyin ot öchürülgen, weqede adem ölüsh hadissi körülmigen. ot apitining sewebi üstide tekshürüsh bashlanghan.

xitayning tarixi binakarliq sahesi mutexessisliri «ot tebiiy sewebler tüpeylidin bashlanghan bolushi mumkin» dep qarimaydighanliqlirini bayan qildi.

mutexessisler suning üstidiki bir köwrükke ot kétish weqesining az uchraydighan hadise ikenlikini tekitlidi.

mutexessisler birer kishining ot qoyup bergen bolushi mumkinlikini eskertip, tarixiy ehmiyetke ige yaghach qurulushlarni qoghdashning mohimliqini bildürüshti.

«uniwérsal tinchliq köwrüki» depmu atilidighan wenen köwrüki 98 métirdin köprek uzunluqi bilen xitaydiki eng uzun yaghach tash köwrük hésablinatti.

köwrükte buningdin ilgirimu ot apiti yüz bérip, buzulghan qismi rémunt qilinghan idi.

 


خەتكۈچ: #ot apiti , #xitay

مۇناسىۋەتلىك خەۋەرلەر