макрон әлийев вә пашинйан билән телефонлашти

фирансийә пирезиденти еммануел макрон бу һәптә әзәрбәйҗан пирезиденти илһам әлийеф вә әрменийә баш министири никол пашинйан билән айрим – айрим телефон сөһбити өткүзди.

1864700
макрон әлийев вә пашинйан билән телефонлашти

түркийә авази радийоси хәвири: елисе сарийи байанат елан қилип, макронниң бу һәптә әлийев вә пашинйан билән айрим – айрим һалда телефон сөһбити өткүзгәнликини билдүрди؛ байанатта, макронниң йеқинқи күнләрдә лачин каридорида йүз бәргән «еғир вәқәләр»дин әндишә қиливатқанлиқини тилға елип өткәнлики билдүрүлди.

макронниң җиддий вәзийәтниң алдини елиш вә тәрәпләр оттурисидики сөһбәтниң давамлишишиға капаләтлик қилиш үчүн  һәр икки дөләтни барлиқ қәдәмләрни ташлашқа чақирғанлиқи әскәртилгән байанатта: «(макрон) 2020- йили 11 - айниң 9 - күнидики уруш тохтитиш сөһбити даирисидә берилгән вәдиләргә һөрмәт қилишниң муһимлиқини тәкитлиди» дегән ибариләргә орун берилди вә макронниң җәнубий кавказ вәзийитиниң йүзлинишини йеқиндин көзитиватқанлиқини ейтқанлиқи қәйт қилинди.

әзәрбәйҗан пирезидентлиқ мәһкимисиниң мәзкур телефон сөһбитигә мунасивәтлик байанатида, пирезидент әлийевниң, әрменийә тәрәпниң йәнә бир қетим һәрбий иғвагәрчилик қилғанлиқини, русийә әскәрлири вақитлиқ орунлаштурулған әзәрбәйҗан земинлиридики мәзкур иғвагәрчилик нәтиҗисидә бир әзәрбәйҗан әскириниң һайатидин айрилғанлиқини тилға елип өткәнлики билдүрүлди.

әзәрбәйҗан армийәсиниң иғвагәрчиликниң алдини алғанлиқиға ишарәт қилған әлийев, җиддийчиликниң барлиқ җавабкарлиқиниң әрменийәгә тәвә икәнликини тәкитлиди.

русийә, әзәрбәйҗан вә әрменийә рәһбәрлири 2020-йили 11-айниң 10-күни тарихий әһмийәткә игә үч тәрәп хитабнамисигә имза қойғаниди.



مۇناسىۋەتلىك خەۋەرلەر