teywenning dölet igilidiki bashqurulidighan bomba shirkitining emeldari öldi

teywende dölet mudapie ministirliqigha qarashliq bashqurulidighan bomba yasash shirkitining emeldari méhmanxanida öldi.

1864536
teywenning dölet igilidiki bashqurulidighan bomba shirkitining emeldari öldi

türkiye awazi radiyosi xewiri: teywen agéntliqi (CNA) ning xewirige qarighanda, chung-shen döletlik pen-téxnika institutining muawin reisi ow yang lishing, xizmetlerni közdin kechürüsh üchün ketken teywen arilining jenubidiki pingtung ölkisidiki bir méhmanxanida ölgen.

dölet bixeterlik tarmaqliri, ow yangning ölüm sewebini tekshürmekte iken.

ow yang, bu yilning bashlirida dölet igilidiki bashqurulidighan bomba shirkitining muawin reislik wezipisini üstige alghan bolup, nurghun bashqurulidighan bomba  layihelirige mesul iken.

ow yangning, amérika awam palatasining reisi nensi pélosining ziyaritidin kéyin, xitayning teywen arili etrapida herbiy manéwir ötküzüshke bashlighan mezgilge toghra kélishi diqqqet qozghaydiken.

xewerde déyilishiche, chung-shen döletlik pen-téxnika institutining nishani, künséri küchiyiwatqan xitay tehditi aldida, teywen armiyesining jeng qilish iqtidarining ashurulushi üchün, bashqurulidighan bomba ishlepchiqirish iqtidarini bu yil 2 hesse ashurup, yiligha 500 ge yéqin bashqurulidighan bomba ishlepchiqirish iken.



مۇناسىۋەتلىك خەۋەرلەر