rusiye 62 kanadaliqqa émbargo yürgüzdi

türkiye awazi radiyosi xewiri: rusiye tashqi ishlar ministirliqi teripidin élan qilinghan yazma bayanatta, kanadaning, rusiyening dölet wekilliri, zhurnalistliri, mutexessisliri we rus ortodoks chérkawining épiskopi kirilge émbargo yürgüzgenliki eskertildi.

buninggha jawab teriqiside 62 kanada puqrasining «émbargo yürgüzülidighanlar tizimliki» ge kirgüzülgenliki qeyt qilinghan bayanatta, bu shexslerning tizimliki élan qilindi. tizimliktin, kanada tashqi ishlar ministirliqi we bash ministirliq mehkimisi dairiliridin sirt yene, siyasiy mutexessisler, senetchiler we diniy wekillermu orun aldi.

mezkur shexslerning rusiyege kirishining cheklengenliki bildürülgen bayanatta, mundaq déyildi: «kanada bash ministiri jastin trudo hökümiti rusiyege qarshi düshmenlerde pozitsiyede boldi. bundaq heriketlerge qarshi yéqinda yolgha qoyulidighan chare – tedbirler élan qilinidu.»