xitay: pélosigha émbargo yürgüzimiz

xitay igilik hoquqi talash-tartishliq bolghan teywenni ziyaret qilghan amérika awam palatasining reisi nensi pélosigha émbargo yürgüzidighanliqini bildürdi.

1864206
xitay: pélosigha émbargo yürgüzimiz

türkiye awazi radiyosi xewiri: xitay tashqi ishlar ministirliqi nensi pélosi xanimgha émbargo yürgüzilidighanliqi toghrisida bayanat élan qildi.

bayanatta, pélosi xanimning xitayning endisheliri we qarshi turushigha qarimay teywenni ziyaret qilishtin waz kechmigenliki, uning bu pozitsiyesining xitayning ichki ishlirigha arilishish shundaqla xitayning igilik hoquqi we zémin pütünlükige dexli-teruz qilish hésablinidighanliqi qeyt qilindi.

bayanatta yene, nensi pélosi xanimning teywen ziyaritining «teywen boghuzi» ning tinchliqi we muqimliqigha ziyan salghan «bir xitay» pirinsipigha xilap ziyaret ikenliki tekitlinip mundaq déyildi: «xitay pélosining yaman gherezlik ighwagerchilikige jawab teriqiside, uninggha we uning aile ezalirigha qanun boyiche émbargo yürgüzüshni qarar qildi.»

bayanatta, émbargoning tepsilati heqqide melumat bérilmidi.

amérika awam palatasining reisi nensi pélosi xanim 2-awghust (2022) teywenni  ziyaret qilghan idi.


خەتكۈچ: #teywen , #pélosi , #amérika , #xitay

مۇناسىۋەتلىك خەۋەرلەر