sehiye teshkilati: yuqumning tarqilish nisbitide körünerlik töwenlesh bar
kowid-19 ning dunya miqyasidiki köpiyish nisbiti yette heptidin kéyin tunji qétim töwenlidi.
türkiye awazi radiyosi xewiri: dunya sehiye teshkilatining yéngilanghan kowid -19 heptilik doklatida, yuqumlinishqa munasiwetlik yéngi melumatlargha orun bérildi؛ doklatta körsitilishiche, 7-ayning 25-künidin 31-künigiche bolghan bir hepte ichide yuqumlinish nisbiti aldinqi heptidikige sélishturghanda %9 töwenligen.
bu uda yette hepte köpiyip mangghan yuqumlinish nisbitidiki tunji qétimliq gewdilik töwenlesh bolup hésablinidu.
doklatqa qarighanda, ötken bir hepte ichide yuqum sewebidin hayatidin ayrilghanlar sanida özgirish bolmighan؛ ötken bir heptide 14 ming adem yuqum sewebidin qaza qilghan, 6 milyon 500 ming kishide yuqum bayqalghan bolup, yuqum sewebidin qaza qilghan omumiy sani 6 milyon 300 minggha, yuqumlanghuchilar omumiy sani 574 milyongha yetken.
yuqum nisbiti 6 – aydin bashlap uda besh hepte örligen, 11 – iyuldin 25 – iyulghiche bolghan ikki hepte ichide oxshash sürette ilgiriligenidi.
dunya sehiye teshkilati emeldarliri yuqumlinish nisbitidiki éshishni yaz peslidiki sayahetchilikning éshishi, her qaysi döletlerning kowid -19 tedbirlirini boshitishi we BA.4 we BA.5 tarmaq tiplirining téz tarqilishigha baghlap chüshendürgenidi.
