xitay armiyesi teywen boghuzida bashqurulidighan bomba manéwiri ötküzdi

xitay armiyesi, amérika awam palatasi bashliqi nensi pélosining teywen ziyaritidin kéyin, teywen boghuzida bashqurulidighan bomba manéwiri bashlidi.

1863651
xitay armiyesi teywen boghuzida bashqurulidighan bomba manéwiri ötküzdi

türkiye awazi radiyosi xewiri: xitay armiyesi sherq fironti qomandanliqi bayanat élan qilip, «teywen boghuzining sherqidiki bezi rayonlargha adettiki bashqurulidighan bombilarning étilip, nishanlarning muweppeqiyetlik bitchit qilinghanliqi»ni bildürdi.

xitay dölet mudapie ministirliqi nensi pélosining ayropilani teywenge yétip kelgendin kéyin bayanat bérip, aralning shimali, gherbiy jenubi we sherqiy jenubida déngiz we hawa armiyesi eskerlirining qatnishishi bilen birleshme manéwirlarning ötküzülidighanliqi, sherq teripide, normal bashqurulidighan bomba sinaqlirining qilinidighanliqi, teywen boghuzida yiraq musapilik zembirek manéwiri ötküzülidighanliqini uqturghanidi.

8-ayning 7-künigiche dawamlishidighanliqi mölcherliniwatqan manéwirlar, xitayning igilik hoquqi detalash qiliniwatqan aral etrapida emeliy qamal shekillendürdi.

alte rayonda élip bériliwatqan manéwirlar sewebidin bezi rayonlarning paraxot we ayropilan qatnishigha taqiwétilgenliki, boghuzni késip ötüsh yolida peyda bolghan bixeterlik endishisi tüpeyli qatnashning üzülüp qalghanliqi bildürüldi.

yene bir tereptin, teywen mudapie ministirliqi, pélosi ketkendin kéyin tünügün kechte xitay armiyesining bir uchquchisiz hawa apparatining teywenning kinmén arili (Quemoy) üstidin uchup ötkenlikini uqturdi.

igilinishiche, 1950-yillardin buyan xitayning héchqandaq hawa qatnishi kinmén üstidin uchup baqmighaniken.

pélosi we besh kishilik palata ezasi olturghan ayropilan aldinqi küni kechte teywenge yétip kelgen. ikki heptidin buyan nurghun ghulghula peyda qilghan, amérika bilen xitay otturisida jiddiychilikke seweb bolghan ziyaret, béyjingning naraziliqini qozghighanidi.

xitay tashqi ishlar ministirliqi, pélosining ayropilani teywenge qonghandin kéyinla bayanat élan qilip, ziyaretni eyibleydighanliqini jakarlighandi.

teywenni öz térritoriyesining bir qismi dep qaraydighan béyjing, bu ziyaretni «igilik hoquqi we zémin pütünlikige dexli qilish» dep qaraydighanliqini we keskin taqabil turush tedbirlirini yolgha qoyidighanliqini bildürüp agahlandurghanidi.



مۇناسىۋەتلىك خەۋەرلەر