xitay armiyesi teywen etrapida keng kölemlik herbiy manéwir bashlidi

xitay armiyesi amérika awam palatasi bashliqi nensi pélosining teywen ziyaritini bashlishidin kéyinla keng kölemlik herbiy manéwir bashlidi.

1862881
xitay armiyesi teywen etrapida keng kölemlik herbiy manéwir bashlidi

türkiye awazi radiyosi xewiri: xitay armiyesining uzun musapilik heqiqiy oq-dora we adettiki bashqurulidighan bombilar ishlitilgen manéwirgha, rayondiki toluq seplimilik J-20 tipliq urush ayropilanliri qatnashturuldi.

shinxua agéntliqi xitay armiyesining  4 - awghusttin 7 - awghustqiche (2022) teywen etrapidiki alte oxshimighan rayonda bir qatar herbiy manéwirlarni ötküzidighanliqini uqturdi.

xitay dölet mudapie ministirliqi bayanatchisi ten kéféy bayanat bérip, aralning shimali, gherbiy jenubi we sherqiy jenubida déngiz we hawa armiyesi eskerlirining ishtirak qilishi bilen ötküzülidighan birleshme manéwirlarning, aralning sherq teripide bashqurulidighan bomba siniqi we yiraq musapiliq zembirek meshqining élip bérilidighanliqini, manéwirlarning meqsitining «xitay xelq azadliq armiyesining pélosining teywen ziyaritige qarshi turush hemde döletning igilik hoquqi we zémin pütünlükini qetiy qoghdashtin ibaret iradisini namayan qilish» dégenidi.

amérika awam palatasi bashliqi nensi pélosi we hemrahliqidiki besh palata ezasi olturghan ayropilan, xitayning tehditlirige qarimay, tünügün kechte (2-awghust) teywenge yétip barghanidi.



مۇناسىۋەتلىك خەۋەرلەر