amérika elqaide rehbiri zawahirining öltürülgenlikini bildürdi
amérika prézidénti jo baydin elqaide teshkilati kattibéshi eymen zawahirining afghanistanda élip bérilghan bir qétimliq hawa hujumida öltürülgenlikini jezmleshtürdi.
türkiye awazi radiyosi xewiri: pirézidént jo baydin aqsaray baghchisida bayanat bérip, eymen zawahirining ailisidikiler bilen birlikte kabulgha yoshurunuwalghanliqi éniqlanghandin kéyin, yekshenbe küni uchquchisiz hawa apparati bilen zerbe bérish herikiti élip bérilghanliqini bildürüp: «zawahiri ketti, buningdin kéyin afghanistanning térrorchilarning bixeter panahgahigha aylinishigha hergizmu yol qoymaydighanliqimizgha kapaletlik qilimiz. bu térrorchilar rehbiri emdi yoq» dédi.
zawahirigha qarshi élip bérilghan zerbe bérish herikiti arqiliq «adalet»ning emelge ashqanliqini tilgha alghan baydin, bu weqedin kéyin 2001 – yili yüz bergen 11 - séntebir weqeside hayatidin ayrilghan amérikaliqlarning aile-tawabiatliriningmu rahetligenlikini bildürdi we sözini dawamlashturup: «bügün axsham biz yene bir qétim éniq otturigha qoyimizki, qanchilik waqit kétishi, qeyerge yoshurunghan bolushingizdin qetiynezer, xelqimiz üchün tehdit bolsingiz, amérika sizni tépip otturigha chiqiridu» dédi.
zawahirigha zerbe bérish herikitige «muweppeqiyet» dep baha bergen baydin, amérika dölet bixeterlik tarmaqlirining bu jehettiki «pewquladde qeyserliki we mahariti»ge minnetdarliq bildürdi.
taliban bayanatchisi zebihullah mujahid, amérikaning elqaide rehbiri eymen zawahiri öltürülgen paytext kabuldiki uchquchisiz hawa apparati hujumini eyiblep, buning xelqara pirinsiplargha we amérika bilen talibanning chet el ghazatchilirining afghanistandin ayrilishi toghrisidiki 2020-yili hasil qilghan kélishimige xilap ikenlikini otturigha qoydi, emma u, zawahirining ölümi toghrisida héchqandaq melumat bermidi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
