amérika: pélosining teywen ziyariti kirizisqa seweb bolalmaydu

amérika aqsaray dölet xewpsizlik kéngishi istratégiyelik uchur-alaqe ishliri kordinatori jon kirbi nensi pélosi xanimning teywenni ziyaret qilish mumkinchilikining, xitay teripidin «kirizisqa aylandurulushigha seweb bolalmaydighanliqini» ni tekitlidi.

1862344
amérika: pélosining teywen ziyariti kirizisqa seweb bolalmaydu

türkiye awazi radiyosi xewiri: amérika aqsaray dölet xewpsizlik kéngishi istratégiyelik uchur-alaqe ishliri kordinatori jon kirbi awam palatasining bashliqi nensi pélosining teywenni ziyaret qilish mumkinchilikining, xitay teripidin «kirizisqa aylandurulushigha seweb bolalmaydighanliqini» ni tekitlidi.

u awam palatasining bashliqi nensi pélosining hindi-tinch okyan uchrishishliri dairiside, teywenni ziyaret qilishining intayin normal ish ikenlikini we bu ziyaretni emelge ashurush hoquqining barliqini qeyt qildi.

u aqsarayda ötküzülgen axbarat élan qilish yighinida, nensi pélosining teywen ziyariti toghrisidiki soalgha: «néme boldi, buningdiki mesile qeyerde? nensi pélosi xanim ilgirimu teywenni ziyaret qilghan, kongre ezalirimu buninggha oxshaydighan ziyaretlerni emelge ashurghan, hetta bu yil buninggha oxshaydighan ziyaretler boldi. jiddiychilikni ulghaytishning héchqandaq paydisi yoq» dep jawab berdi.

u nensi pélosi xanimning teywenni ziyaret qilishining tebiiy mesile ikenlikini we bu ziyaretni emege ashurush hoquqining barliqini eskertip, sözini mundaq dawamlashturdi:

«amérikaning siyasiti uzun yillardin buyan hemme teripidin bilinidu. héchqandaq ish özgermidi. bir xitay siyasitimiz dawamlishiwatidu. her ikki terepke hazirqi haletning özgirishige qarshi ikenlikimizni nurghun qétim déduq. teywenning musteqilliqini qollimighanliqimizni éyttuq. bularni xitay xelq jumhuriyiti dairilirige her sewiyede yetküzduq. ötken hepte pirézidént jo baydinning shi bilen ötküzgen téléfon söhbiti, bularning eng yuqiri sewiyedikisi we eng axirqisi hésablinidu.»

u nensi pélosi xanimning teywenni ziyaret qilish qararining pütünley özliride ikenlikini tekitlidi.

u xitay hökümitining nensi pélosi xanimning teywenni ziyaret qilish éhtimalini kirizisqa yaki toqunushqa aylandurush üchün héchqandaq sewebning yoqluqini bildürüp, teywen boghuzi we etrapida urushqaq herbiy paaliyetlerni köpeytishke seweb bolmasliqi kéreklikini tekitlidi.



مۇناسىۋەتلىك خەۋەرلەر