xitay pélosi xanimning teywenni ziyaret qilish pilanigha naraziliq bildürdi
xitayning birleshken döletler teshkilatida turushluq daimiy wekili jang jün amérika awam palatasining bashliqi nensi pélosi xanimning teywenni ziyaret qilishining xitayning igilik hoquqigha ziyan yetküzidighanliqini éytti.
türkiye awazi radiyosi xewiri: xitayning birleshken döletler teshkilatida turushluq daimiyjang jün xitayning, birleshken döletler teshkilati xewpsizlik kéngishining awghust éyi nöwetchi reislik wezipisini öz üstige élishi munasiwiti bilen ötküzgen axbarat élan qilish yighinida, pélosi xanimning hindi-tinch okyan ziyariti dairiside, teywenni ziyaret qilish pilani heqqide toxtilip mundaq dédi: «bu xil ziyaret xitayning igilik hoquqi we zémin pütünlükige, teywen boghuzining tinchliqi we bixeterlikige ziyan yetküzidu, shundaqla, béyjing bilen washington otturisidiki munasiwetlerning buzulushigha seweb bolidu.»
pélosi xanimning ziyaritining xitay üchün chong xewp we ighwagerchilik élip kélidighanliqini, shunga, buning üchün hel qilghuch tedbirlerni qollinidighanliqlirini ilgiri sürgen jang jün, amérika qoshma ishtatlirini xitayning zémin pütünlükige hörmet qilishqa chaqirip mundaq dédi: «teywen, dölitimizning herqandaq dölet bilen bolghan munasiwetliride qizil siziqi bolup hésablinidu. bizning bu mesilidiki pozitsiyemiz intayin keskin, shundaqla dölitimizning zémin pütünlüki we igilik hoquqini qoghdash üchün barliq chare – tedbirlerni qollinish iradimiz qetiy.»
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
