yawropa ukrainani iqtisadiy jehettin qollashni dawamlashturmaqta

türkiye awazi radiyosi xewiri: yawropa ittipaqi komitétining bashliqi ursula fondérléyén twittér adrésida, ukraina iqtisadigha yardem qilish üchün teyyarlanghan makro iqtisadiy yardem pilani toghrisida uchur hembehirlidi.

u: «ukrainagha 500 milyon yawro qoshumche makro iqtisadiy yardem qilduq. ete ukrainagha 500 milyon yawro ewetilidu. bu 1 milyard yawro ukrainaning muhim pul-muamile éhtiyajini qamdashqa we döletni kücheytishke paydiliq» dédi.

ursula fondérléyén iyun éyida (2022) ukrainagha yéngi yardem pilanining ijra qilinidighanliqini bildürüp, bu dairide 2022-yili 9 milyard yawroghiche iqtisadiy yardem qilishqa teyyarliq qiliwatqanliqlirini qeyt qilghan idi. mezkur yardem bilen, yawropa ittipaqining ukraina-rusiye urushi bashlanghandin tartip ukrainagha qilghan makro iqtisadiy yardimi jemiy 2.2 milyard yawrogha yetken boldi.