nato: kosowuning muqimliqi tehditke uchrisa mudaxile qilishqa teyyarmiz
shimaliy atlantik ehdi teshkilati-nato kosowuning shimaliy qismining muqimliqi tehditke uchrisa herbiy mudaxile qilishqa teyyar ikenlikini uqturdi.
türkiye awazi radiyosi xewiri: shimaliy atlantik ehdi teshkilati-nato teripidin élan qilinghan bayanatta, kosowuning shimaliy qismining bixeterlik weziyitining jiddiy ikenliki eskertilip mundaq déyildi: «nato bashchiliqidiki köp döletlik tinchliq saqlash qismi (KFOR) weziyetni yéqindin közitiwatidu, muqimliq tehditke uchrisa, herbiy arilishishqa teyyar.»
kosowuda yashaydighan sérblarni öz ichige alghan barliq kishilerning bügündin bashlap kosowu kimliki we nomur taxtisigha sahib bolushining shert ikenliki uqturulghandin kéyin, kosowudiki sérblar tünügün kechte kosowuning shimalidiki chégra éghizlirini taqidi.
kosowuda agahlandurush signalliri chélindi. dölet saqchiliri bezi jaylarda oq awazlirining anglanghanliqini, emma héchkimning yarilanmighanliqini bildürdi.
kosowu hökümiti kéyinche bayanat élan qilip, bu belgilimining bir ay kéchiktürülgenlikini uqturdi.
igilinishiche, sérbiye, 2008-yili öz aldigha musteqilliq élan qilghan kosowuni hazirmu «bizning zéminimiz» dep qaraydiken.
مۇناسىۋەتلىك خەۋەرلەر
misir tashqi ishlar ministiri türkiyede ziyarette bolidu
misir tashqi ishlar ministiri samih shükri hepte axirida türkiyede dölet ishliri ziyaritide bolidu.
