shangxey hemkarliq teshkilati tashqi ishlar ministirliri yighini tashkentte chaqirildi

türkiye awazi radiyosi xewiri: özbékistan muawin tashqi ishlar ministiri wiladimir narowning sahibxanliqida chaqirilghan shangxey hemkarliq teshkilatigha eza döletlerning tashqi ishlar ministirliri yighinigha xitay tashqi ishlar ministiri wang yi, rusiye tashqi ishlar ministiri sérgéy lawrow, qazaqistan tashqi ishlar ministiri muxtar tiluberdi, tajikistan tashqi ishlar ministiri sirajiddin muxriddin, qirghizistan tashqi ishlar ministiri jéénbék qulubayéw, hindistan tashqi ishlar ministiri subraxmanyam jaishankar, pakistan tashqi ishlar ministiri bilawal butto zerdari we shangxey hemkarliq teshkilati bash katipi jang ming qatarliqlar qatnashti.

wiladimir narow yighinning taratqulargha échiwétilgen bölümide söz qilip, ottura asiyadiki aktip hemkarliq musapisining shangxey hemkarliq teshkilati sahesini muqimliq, tereqqiyat, güllinish we ünümlük hemkarliq rayonigha aylandurushqa paydiliq ikenlikini ilgiri sürdi.

u, shangxey hemkarliq teshkilatining kéngiyishining bir tebiiy jeryan ikenlikini tilgha élip, iranning toluq eza bolush yolida körünerlik ilgirileshlerni qolgha keltürgenlikini, bélarusiyening ezaliq iltimasigha qarap chiqish jeryanining bashlanghanliqini, misir, seudi erebistan we qatargha gha diyalog shériki salahiyiti bérishke munasiwetlik höjjetlerning imzalinishqa teyyar halette ikenlikini, buningdin bashqa behreyn bilen moldawiyege diyalog shériki salahiyitining bérilishini oylishiliwatqanliqini eskertti.

wiladimir narow yene, eza döletlerning ezerbeyjan, erméniye, kambodzha we népalgha közetküchi dölet salahiyitini bérish mesiliside ortaq pozitsiye bildürüshi kéreklikini otturigha qoydi.

ministirlar, teshkilatqa eza döletler otturisidiki soda-iqtisad, meblegh sélish, sanaet, énérgiye, sayahet, medeniyet we bashqa sahelerdiki hemkarliqni tereqqiy qildurush mesilisi muzakire qilinghan yighindin kéyin, bu hemkarliqni téximu tereqqiy qildurushni mezmun qilghan bir qatar höjjetlerge imza qoydi.

özbékistan muawin tashqi ishlar ministiri wiladimir narow, shangxey hemkarliq teshkilati dölet bashliqliri yighinining 15 -, 16- séntebir künliri özbékistanning semerqent shehiride ötküzülidighanliqini, yighingha eza döletler bilen birlikte bélarusiye, iran we mongghuliye qatarliq közetküchi döletlerning pirézidéntliri bilen méhman süpitide teklip qilinghan türkmenistan pirézidéntiningmu qatnishidighanliqini tilgha élip ötti.

shangxey hemkarliq teshkilati tashqi ishlar ministirliri özbékistan pirézidénti shewket mirziyayéw teripidinmu qobul qildi.

2001- yili 6-ayning 15-küni qurulghan shangxey hemkarliq teshkilatigha eza döletler xitay, rusiye, qirghizistan, tajikistan, qazaqistan, özbékistan, hindistan we pakistan qatarliqlar bolup, türkiye 2012-yili bu teshkilatning diyalog shériki bolghanidi.