pirézidént jo baydin bilen shi jinping körüshti

amérika pirézidénti jo baydin bilen xitay reisi shi jinping téléfonda 2 saet 17 minut körüshti.

1861102
pirézidént jo baydin bilen shi jinping körüshti

türkiye awazi radiyosi xewiri: amérika pirézidénti jo baydin bilen xitay reisi shi jinping téléfonda körüshti. körüshüsh 2 saet 17 minut dawamlashti.

jo baydin pirézidént bolghan 2021-yili yanwardin buyan shi jinping bilen 5-qétimliqi bolghan bu qétimqi körüshüshte, ikki dölet munasiwetliri muzakire qilindi.

awam palatasining bashliqi nensi pélosining teywenge qilidighan ziyariti, yéqinda ikki dölet otturisida jiddiylik peyda qilghan idi.

aqsaray dölet bixeterlik kéngishining istratégiyelik uchur-alaqe diréktori jon kirbi aldinqi küni élan qilghan bayanatida, pirézidént baydin bilen shining körüshüshide, xitayning teywenge qarshi, shundaqla hindi-tinch okyan rayonidiki «urushqaq meydani», iqtisadiy munasiwettiki jiddiychilikler we xitayning 24-féwraldin bashlap dawamlishiwatqan ukraina-rusiye urushigha tutqan pozitsiyesining muzakire qilinidighanliqini bildürgen idi.

pirézidént jo baydinning bir qarargha kelmigenliki élan qilinghan bolsimu, amérikaning xitaygha qaratqan tamozhna bajlirini emeldin qaldurulup-qaldurmaydighanliqi mesilisiningmu bu qétimqi körüshüshte küntertipke kélidighanliqi texmin qilinmaqta idi.

shi jinping amérika pirézidénti jo baydingha teywen mesilisige chet elning arilishishini qobul qilalmaydighanliqlirini tekitlep: «ot bilen oynashqanning qoli köyidu» dédi.

xitay taratquliridiki xewerlerde bildürülishiche, shi jinping xitayning teywen musteqilliqigha munasiwetlik her qandaq heriketlerge, shundaqla her xil shekil we her türlük tashqi küchlerning arilishishigha qarshi chiqidighanliqini eskertken.

shi jinping: «xitay hökümiti we xelqining teywen mesilisidiki meydani éniq. igilik hoquqi we zémin pütünlükini qoghdash, 1.4 milyardtin artuq xitayliqning iradisi. xelqning iradisini ayaq-asti qilishqa bolmaydu. ot bilen oynashqanning qoli köyidu» dégen.

xitay reisi shi yene, amérikagha «bir xitay» pirinsipigha we amérika-xitay munasiwetlirining asasi bolghan üch xitabnamede bergen wedisige, herikiti we sözi birdek halda boysunushni chaqiriq qilghan.

pirézidént baydin bilen shining körüshüshi, amérika awam palatasining bashliqi nensi pélosi xanimning xitay bilen igilik hoquq ixtilapi bolghan teywenni ziyaret qilidighanliqi toghrisidiki xewerler élan qilinghandin kéyin, munasiwetlerde yirikchilik téximu yuqiri pellige chiqqan bir peytte emelge ashuruldi.



مۇناسىۋەتلىك خەۋەرلەر