zélénskiy xelqqe urush toghrisida melumat berdi

ukraina pirézidénti wolodimir zélénskiy 24-féwraldin (2022) buyan rusiyening 40 minggha yéqin eskirining öltürülgenlikini, onminglarche eskirining yarilanghanliqini bildürdi.

1860040
zélénskiy xelqqe urush toghrisida melumat berdi

türkiye awazi radiyosi xewiri: ukraina pirézidénti wolodimir zélénskiy xelqqe xitab qilip sözligen nutuqida, urush toghrisida yéngi özgirishler üstide toxtaldi.

u odésa shehirining rusiyening qayta hujumigha uchrighanliqini xatirilitip: «rusiye dölet mudapie ministirliqi bu xil hujumlar toghrisida qanchilik yalghan sözlishidin qetiynezer, buninggha choqum jawab qayturimiz. ishghalchilar jazasini tartmay qalmaydu» dédi.

u rusiyening öz xelqige urushqa munasiwetlik toghra uchur bermigenlikini ilgiri sürüp: «hazir rusiyening ölgen eskerliri sani texminen 40 minggha yetti. rusiye armiyesining 24-féwraldin buyan yoqatqan esker sani mushunchiwala köp. téxi onminglarchisi yarilandi» dédi.

u engliyening rusiyege qarshi yürgüzüwatqan émbargoni kéngeytish qararini qizghin qarshi alidighanliqlirini eskertip: «onlarche kishi we organlar émbargo tizimlikige kirgüzüldi. engliyening émbargo mesilisidiki toghra we tewrenmes iradisi üchün teshekkür éytimen. bu gherb dunyasidiki hemme kishi egishishi kérek bolghan yaxshi ülge» dédi.

u axirida tebiiy gaz kirizisi üstide toxtilip, mundaq dédi:

«bolupmu yawropa bazirida bir kub métir gaz bahasining 2 ming dollardin éship ketkenliki toghrisidiki xewerler, rusiyege qaritilghan jazani kéngeytishning yéterlik sewebi bolalaydu. chünki rusiyening yawropagha qesten bahada térrorluq qiliwatqanliqi hemmige ayan.»


خەتكۈچ: #tebiiy gaz , #xitab , #odésa , #nutuq

مۇناسىۋەتلىك خەۋەرلەر