зелениски: ашлиқ екиспорт қилишқа башлаймиз

украина пирезиденти владимир зелениски украинадики деһқанчилиқ мәһсулатлириниң портлардин чиқишиға тосалғу болмиғанлиқлирини пүткүл дунйаға испатлаш үчүн ашлиқ екиспорт қилишқа башлайдиғанлиқлирини ейтти.

1859487
зелениски: ашлиқ екиспорт қилишқа башлаймиз

түркийә авази радийоси хәвири: зелениски, дөлитиниң пайтәхти кийевни зийарәт қилған гватемала пирезиденти алеҗандро гиамматтей билән көрүшкәндин кейин өткүзүлгән бирләшмә ахбарат елан қилиш йиғинида, украинаниң деһқанчилиқ мәһсулатлириниң портлардин тошулуши һәққидә тохталди, һәмдә украинадики ашлиқниң тошулушиға алақидар соалға җаваб берип, мундақ деди: «украинадики деһқанчилиқ мәһсулатлириниң портлардин чиқишиға тосалғу болмиғанлиқимизни пүткүл дунйаға испатлаш үчүн ашлиқ екиспорт қилишқа башлаймиз.»

украина портларни башқуруш идариси,  ашлиқ вә мунасивәтлик йемәклик мәһсулатлириниң деңиз йоли арқилиқ експорт қилинишиға қарита одесса, чорноморск вә йуҗний портлириниң қайтидин паалийәткә өтүши үчүн тәййарлиқ хизмәтлири вә илтимасларниң башланғанлиқини уқтурғаниди.

җумһур рәис рәҗәп таййип әрдоғанниң һимайисидә, 22-ийул истанбулда түркийә, русийә , украина вә бирләшкән дөләтләр тәшкилати оттурисида «ашлиқ вә йемәклик мәһсулатлириниң украина портлиридин бихәтәр йөткилишигә даир тәшәббускарлиқ һөҗҗити» имзаланғаниди.



مۇناسىۋەتلىك خەۋەرلەر