бурнс: русийә украинада 15 миң әтрапида әскиридин айрилип қалди
америка мәркизи истихбарат идариси — CIA директори бил бурнс, русийәниң украинадики урушта 15000 әскиридин айрилип қалғанлиқини билдүрди.
түркийә авази радийоси хәвири: америка мәркизи истихбарат идариси — CIA директори бил бурнс, русийәниң украинадики урушта 15000 әскиридин айрилип қалғанлиқини, украина армийәсиниң талапитиниңму мушуниңға йеқинлишип қалғанлиқини билдүрди.
америка мәркизи истихбарат идариси директори бурнис колорадо иштатидики аспен бихәтәрлик мунбиридики сөзи җәрйанида, русийә пирезиденти виладимир путинниң, русийәни қайтидин чоң дөләткә айландуримән дәп ойлайдиғанлиқини вә буниң пәқәт украинани контрол қилиш арқилиқла мумкин болидиғанлиқиға ишинидиғанлиқини оттуриға қойди.
бурнс, урушниң йөнилиши вә русийәниң талапәтлири тоғрисидики бир соалға җаваб берип: «талапәткә учриғанларниң сани ениқ әмәс, мөлчәрләр бар. америка истихбарат җәмийитиниң әң йеңи мөлчәричә, қаза қилғанлар сани 15000 әтрапида болуп, йариланғанлар буниң үч һәссисигә тәң болуши мумкин. демәк, бу интайин еғир талапәт. украиналиқларму нурғун адимидин айрилип қалди. уларниң сани бәлким буниңдин (русийәниңкидин) сәл төвән болуши мумкин» деди.
