гиретсийә америкадин F-35 типлиқ күрәшчи айропилан сетип беришни тәләп қилди
гиретсийә дөләт мудапиә министири николас панагийотопулос америка дөләт мудапиә министири лойд остиндин F-35 типлиқ күрәшчи айропилан сетип беришни тәләп қилди.
түркийә авази радийоси хәвири: америка дөләт мудапиә министири лойд остин америкада зийарәттә болуватқан николас панагийотопулос билән бәш бурҗәклик бинада көрүшти.
лойд остин учришиштин илгири ахбаратқа қисқичә байанат берип, америка билән гиретсийә оттурисидики мудапиә һәмкарлиқиниң көрүлүп бақмиған дәриҗидә күчлүк икәнликини ейтти.
панагийотопулос болса, бу учришишниң америка билән гиретсийә оттурисидики мунасивәтләрни техиму чоңқурлаштуруш пурсити йаритип беришини үмид қилидиғанлиқини билдүрүп: «шүбһисизки, бу шерикликниң йеңи ул теши, америка - гиретсийә қораллиқ қисимлири оттурисидики өзара тәсир, маслишиш вә ортақ хизмәт қилиш шараитини күчәйтидиған заманиви техникилиқ F-35 типлиқ күрәшчи айропиланниң гиретсийә тәрипидин сетивелинишиниң башлиниш нуқтиси болуп қалғуси» деди.
