фирансийә билән әрәб бирләшмә хәлипилики истратегийәлик шериклик келишими имзалиди

фирансийә билән әрәб бирләшмә хәлипиликиниң енергийә саһәсидә кәң көләмлик истратегийәлик шериклик келишими имзалиғанлиқи елан қилинди.

1856484
фирансийә билән әрәб бирләшмә хәлипилики истратегийәлик шериклик келишими имзалиди

түркийә авази радийоси хәвири:фирансийә иқтисад министирлиқи байанат елан қилип, фирансийә-әрәб бирләшмә хәлипилики енергийә истратегийәлик шериклик келишиминиң, әрәб бирләшмә хәлипилики дөләт башлиқи муһәммәд бин зайид алнаһйанниң париждики рәсмий зийарити җәрйанида имзаланғанлиқини билдүрди.

келишимниң икки дөләтниң һидроген, қайта һасил болидиған вә йадро енергийәси саһәсидә ортақ мәбләғ селиш түрлирини бәлгиләшни мәқсәт қилидиғанлиқи билдүрүлгән байанатта, келишимдә йешил түрләрни мәбләғ билән тәминләйдиған бирләшмә фонд қуруш мумкинчиликиниң тилға елинғанлиқи қәйт қилинди.

фирансийә президенти макрон алнаһйанни елисе сарийида күтүвелип, дөләтниң әң алий «лежийон дүнү» (Legion dHonneur) орденини тәқдим қилғанлиқи билдүрүлди.

әрәб бирләшмә хәлипилики декабирда (2022) фирансийәдин 14 милйард йавро қиммитидә 80 данә рафале күрәшчи айропилани сетивелиш келишими имзалиған иди.



مۇناسىۋەتلىك خەۋەرلەر