zélénskiy istixbarat idarisi bashliqi bilen bash mupettishni wezipisidin élip tashlidi

ukraina prézidénti wiladimir zélénskiy istixbarat idarisi bashliqi iwan bakanow bilen bash mupettish irina wénidiktowani wezipisidin élip tashlidi.

1856101
zélénskiy istixbarat idarisi bashliqi bilen bash mupettishni wezipisidin élip tashlidi

türkiye awazi radiyosi xewiri: ukraina pirézidéntliqi tor bétide élan qilinghan qararnamigha asaslanghanda, ukraina istixbarat idarisi bashliqi bakanow bilen bash mupettish wénidiktowa wezipisidin élip tashlinip, wénidiktowaning muawini oléksiy simonénko bash mupettishlikke teyinlengen.

wiladimir zélénskiy télégramma hésabida élan qilghan bayanatida, dölet teptish mehkimisi we qanun ijra qilish organlirining bir qisim xizmetchilirige döletke xiyanet qilish sewebidin 651 - jinayi ishlar délosi dairiside ruyxetke élinghanliqini bildürüp yene mundaq dédi:

«bolupmu 60 tin artuq bixeterlik idarisi we bixeterlik etretliri ishghaliyet astidiki rayonlarda turup,  dölitimizge qarshi heriket qilmaqta. ukraina bixeterlik küchliri we rusiye istixbarat xadimliri otturisidiki hemkarliq sewebidin döletning dölet bixeterliki asasigha qarshi ruyxetke élinghan bu jinayetler munasiwetlik bashqurghuchilar heqqide éghir soallarni peyda qilmaqta. her bir soalning jawabimu choqum tépilidu»


خەتكۈچ: #ukraina , #zélénskiy

مۇناسىۋەتلىك خەۋەرلەر