amérika afghanistanni «natogha eza emes muhim ittipaqdash» katégoriyesidin chiqiriwétidu

amérika pirézidénti jo baydin afghanistanning «shimaliy atlantik ehdi teshkilati — nato ezasi bolmighan muhim ittipaqdash» salahiyitining élip tashlinishi toghrisida dölet mejlisige doklat sundi.

1853019
amérika afghanistanni «natogha eza emes muhim ittipaqdash» katégoriyesidin chiqiriwétidu

türkiye awazi awazi radiyosi xewiri: jo baydin amérika awam palatasi bashliqi nensi pélosighimu mezkur qarari heqqide waqiplandurush mektupi yollap, «men bu arqiliq 1961 - yildiki chet elge yardem bérish qanunining 517 - maddisidiki belgilime boyiche, afghanistanning nato ezasi bolmighan muhim ittipaqdashliq salahiyitini élip tashlash niyitimni silerge bildürmekchimen» dégenlerni qeyt qildi.

afghanistan amérikaning  44 -  nöwetlik pirézidénti barak obama teripidin 2012 - yili «natoning muhim ittipaqdishi» dep étirap qilinghanidi.

amérika bügünge qeder «natogha eza bolmighan muhim ittipaqdash» dep étirap qilghan dunya miqyasida 20 dölet bar؛ amérika 1987 - yili tunji qétim bu heqte qanun maqullighan, eyni waqittiki amérika pirézidénti ronald régan awstraliye, misir, israiliye, yaponiye we koréyeni bu katégoriyege kirgüzgenidi.

pars qoltuqi rayonidin behreyn bilen kuweyt sabiq amérika pirézidéntliridin jorj w.bush teripidin bu katégoriyege kirgüzülgenidi.

axirqi qétim amérika prézidénti baydin qatar bilen kolumbiyeni bu salahiyetke ige qilghanidi.



مۇناسىۋەتلىك خەۋەرلەر