engliye téhrandiki bir diplomatining nazaret astigha élinghanliqi toghrisidiki xewerlerni ret qildi
engliye tashqi ishlar ministirliqi, engliyening téhranda turushluq muawin bash elchisi gilés witakérning iranda nazaret astigha élinghanliqi toghrisidiki xewerlerni ret qildi.
türkiye awazi radiyosi xewiri: engliye tashqi ishlar ministirliqi, engliyening téhranda turushluq muawin bash elchisi gilés witakérning irandiki bashqurulidighan bomba siniqi élip bérilghan rayondin tupraq ewrishkisi toplighanliqi üchün nazaret astigha élinghanliqi toghrisidiki xewerlerning «asassiz» ikenlikini uqturdi.
engliye tashqi ishlar ministirliqining bir bayanatchisi, «Sky News» qaniligha bayanat bérip, iran metbuatlirining, engliye diplomatining iranda nazaret astigha élinghanliqi toghrisidiki xewerlirining pütünley asassiz ikenlikini bildürdi.
tasnim xewer agéntliqi, witakér we uning hemrahliqidiki bir qanche diplomatning kérman ölkisining shahdad qumluqidiki bashqurulidighan bomba siniqi élip bérilghan cheklengen rayondin tupraq ewrishkisi toplighanliqi éniqlanghandin kéyin, iran inqilab muhapizetchiliri teripidin nazaret astigha élinghanliqini xewer qilghanidi.
witakérning ikenliki dewa qilinghan bir mashinining rayondiki iran inqilab muhapizetchilirining uchquchisiz hawa apparati teripidin süretke élinghanliqi ilgiri sürülgen we mezkur süretler iran dölet téléwiziye teripidin tarqitilip, witakérning chégradin qoghlap chiqirilidighanliqi bildürülgenidi.
