kowéd-19 ning tarqilish nisbiti yéqinqi ikki hepte ichide körünerlik derijide örlidi
dunya sehiye teshkilati doklat qilip, yéqinqi ikki hepte ichide dunya miqyasida kowid-19 bimarlirining köpiyish nisbitining %30 ge yetkenlikini uqturdi.
türkiye awazi radiyosi xewiri: dunya sehiye teshkilati bash diréktori tédros adanom gébréyus teshkilatning jenwediki bash orginida ötküzülgen muxbirlarni kütüwélish yighinidiki sözi jeryanida, kowid -19 wirusigha munasiwetlik eng yéngi özgirishler heqqide toxtaldi.
u yéqinqi bir nechche hepte ichide dunya sehiye teshkilatining alte rayonining tötide késellikning köpiyish nisbitining örligenlikining bayqalghanliqini bildürüp, «yéqinqi ikki hepte ichide dunya miqyasida kowid-19 wirusi aldinqi heptilerge sélishturghanda %30 etrapida örlep ketti» dédi.
kowid -19 wirusining köpiyishige qarshi dunya we döletler miqyasida qedemlerning tashlinishi kéreklikini tekitlep, «hökümetler, alimlar, waksina ishlepchiqarghuchilar, dunya sehiye teshkilati we puqralar... hemme öz mesuliyitini ada qilishi kérek» dégenlerni sözlirige ilawe qildi.
