amérika türkiyege F-16 sétip bérish mesilisidiki meydanini yene bir qétim tekitlidi

aqsaray bayanatchisi karin zhan pyér, türkiyege F-16 tipliq urush ayropilani sétip bérish mesilisining bir nechche aydin béri muzakire qiliniwatqanliqini, prézidént jo baydinning bu sétishni qollaydighanliqini bildürdi.

1852517
amérika türkiyege F-16 sétip bérish mesilisidiki meydanini yene bir qétim tekitlidi

türkiye awazi radiyosi xewiri: zhan pyér kündilik muxbirlarni kütüwélish yighinida démokratlar partiyesining bir guruppa ezalirining <jow baydinning aldinqi hepte ispaniyening paytexti madridta chaqirilghan shimaliy atlantik ehdi teshkilati — nato bashliqlar yighinida dairiside jumhur reis rejep tayyip erdoghan bilen körüshkendin kéyin otturigha qoyghan F-16 larning sétilishi toghrisidiki ijabiy bayanlirigha qaratqan tenqidi heqqide toxtilip, buninggha alaqidar söhbetlerning xélidin buyan dawamlishiwatqanliqigha isharet qilghan halda: «bizning F-16 toghrisidiki meydanimiz nahayiti éniq. bu heqte bir nechche aydin béri muzakire élip bériwatimiz. baydin bu telepni heqiqeten qollaydu. uningdin yéngi bir nerse yoq» dédi.

madridta ötküzülgen nato bashliqlar yighini jeryanida jumhur reis erdoghan bilen körüshken baydin, 30-iyundiki muxbirlarni kütüwélish yighinida, washingtonning türkiyege F-16 urush ayropilani sétip bérishi kéreklikini, buning üchün amérika dölet mejlisining testiqini alalaydighanliqini otturigha qoyup: «méning uninggha (jumhur reis erdoghangha) dégenlirim, dékabirda éytqanlirim bilen oxshash. (türkiyege) F-16 larni sétip bérishimiz, shundaqla ayropilanlarni zamaniwiylashturushimiz kérek. buni qilmasliq bizning menpeetimizge mas kelmeydu. men dékabirdin buyan meydanimni özgertmigenlikimni, buning bir bedilining bolushining shert emeslikini, bizning uni sétip bérishimiz kéreklikini dédim. buni qilish üchün éhtiyajliq bolghinim, dölet mejlisining testiqi. bu testiqni alalaymiz, dep qaraymen» dégenidi.

amérika awam palatasidiki bir türküm kéngesh palata ezaliri tünügün baydingha mektup ewetip, uning  türkiyege F-16 urush ayropilani sétip bérishni qollash qararini tenqid qilghanidi.


خەتكۈچ: #uyghurche , #f-16 , #türkiye , #amérika

مۇناسىۋەتلىك خەۋەرلەر